S-deeltjie
’n S-deeltjie in deeltjiefisika is ’n hipotetiese elementêre deeltjie. Die naam kom van "supersimmetrie" en "deeltjie". Dit word in verskeie tale ook superpartner genoem, van die Engelse woorde supersymmetry en partner.
Teoretiese voorspelling
wysig
Volgens die teorie van supersimmetrie sou elke fermion ’n boson-metgesel moet hê, en omgekeerd. Supersimmetrie voorspel dat ’n deeltjie en sy s-deeltjie dieselfde massa sou hê. Geen sodanige metgesel is al gevind vir enige deeltjie in die Standaardmodel nie.
In uitgebreide supersimmetrie kan daar meer as een s-deeltjie wees vir ’n bepaalde deeltjie. Met twee eksemplare van supersimmetrie in vier dimensies, sou een foton byvoorbeeld twee fermion-metgeselle en een skalêre s-deeltjie kon hê.
Die skep van s-deeltjies
wysigAs die teorie van supersimmetrie korrek is, sou dit moontlik wees om s-deeltjies te skep. Dit sou egter nie maklik wees nie, want die massa van hierdie deeltjies kan duisend keer soveel wees as dié van hul ooreenstemmende bestaande deeltjies.
Tot onlangs was daar nog nie ’n deeltjieversneller wat genoeg energie kon opwek om sulke s-deeltjies te skep nie, maar die Groot Hadronversneller van CERN in Switserland en Frankryk sou botsings kon skep met genoeg energie.
Sien ook
wysigEksterne skakel
wysig
Hierdie artikel is vertaal uit die Nederlandse Wikipedia
