Suid-Afrikaanse Nasionale Biodiversiteitsinstituut
Die Suid-Afrikaanse Nasionale Biodiversiteitsinstituut (SANBI) is 'n organisasie onder die Suid-Afrikaanse Departement van Omgewingsake, met die verpligting om inligting oor biodiversiteit navorsing te bekom en te versprei. Deel van die verantwoordelikhede van die SANBI sluit in die bestuur van tuine en betrokkenheid by ekosisteem herstel- en rehabilitasieprogramme.[2]
| Suid-Afrikaanse Nasionale Biodiversiteitsinstituut | |
|---|---|
| Agentskap oorsig | |
| Stigting | 1 September 2004 |
| Vooraf Agentskap | Nasionale Botaniese Instituut |
| Hoofkantoor | Silverton, Pretoria |
| Minister verantwoordelik | Barbara Creecy |
| Agentskap bestuurder | Moshibudi Rampedi, Hoof- uitvoerende beampte[1] |
| Toesighoudende departement | Departement van Omgewing, Bosbou en Visserye |
| Amptelike Webtuiste | |
| www | |
Geskiedenis
wysigEen van die voorgangers van SANBI, die Botaniese Navorsingsinstituut (BI) is in die vroeë 20ste eeu gestig om die Suid-Afrikaanse flora te studeer en te bewaar. In 1989 is die Nasionale Botaniese Instituut (NBI) gevorm uit die Nasionale Botaniese Tuine en die Botaniese Navorsingsinstituut.
SANBI is op 1 September 2004 ingestel ingevolge die Nasionale Omgewingsbestuur: Wet op Biodiversiteit, nr 10 van 2004.[2] Die wet het die mandaat van NBI uitgebrei in SANBI deur die volle diversiteit van die Suid-Afrikaanse ekosisteme in te sluit. SANBI se hoofkantoor is in Silverton, Pretoria; 'n kantoor in Kirstenbosch in Kaapstad; en tuine en navorsingsentrums regdeur Suid-Afrika.[3][4]
Funksie en dienste
wysigSANBI se funksies sluit in die verskaffing van inligting; die gee van beleidsondersteuning en advies; die bestuur van botaniese tuine vir navorsing, opvoeding en openbare genot; asook deelname aan herstelwerk en rehabilitasieprogramme vir ekosisteme en die verskaffing van beste praktykmodelle om biodiversiteit beter te bestuur.[2]
Kernaktiwiteite sluit in navorsing oor bewaring en volhoubare gebruik, tuinontwikkeling en tuinbou, opleiding en voorsiening van biodiversiteitsinligtingstelsels, ekosisteemrehabilitasie en ontwikkeling van biostreekbeplanningsprogramme en -beleid. SANBI is ook betrokke by die implementering van 'n aantal gesamentlike programme wat fokus op die rehabilitasie van ekosisteme met die sekondêre doel die uitwissing van armoede deur die skep van volhoubare werksgeleenthede.[2]
Navorsing
wysig'n Sentrale komponent van SANBI se agenda is navorsing en sluit klimaatsverandering en bio-aanpassing in. Die doel is om klimaatsverandering-besluitneming en -ontwikkeling te verbeter deur toegang tot toepaslike wetenskaplike kennis te verbeter. SANBI dra ook by tot programme om deelname aan biodiversiteitswetenskap op skoolvlak aan te moedig en die gehalte van biodiversiteitsonderrig en =leer te versterk. Dit sluit in die verhoging van die sigbaarheid en toegang tot inligting oor loopbane in die biodiversiteitsektore.[2]
Bestuur van biodiversiteitsbronne
wysigSANBI is wetlik verplig om by te dra tot die bestuur van die land se biodiversiteitsbronne.[2] Die Instituut administreer die Rooi Lys van Suid-Afrikaanse Plante, 'n databasis met beskrywings van die land se inheemse plante en hul nasionale bewaringstatus.[5]
SANBI is ook deel van die Millennium Saadbankvennootskap, wat daarop gemik is om saad van 2500 van Suid-Afrika se plantspesies te versamel, insluitend 1000 bedreigde spesies voor die einde van 2020.[6]
Kennis- en inligtingbestuur
wysigSANBI voer landwye biodiversiteitsbewaringsevaluasies van verskillende klasse plante, wat gewoonlik velduitstappies vir die insameling van data behels. Belangstellende lede van die publiek kan aan verskeie burgerwetenskapprojekte deelneem.[2]
'n Biodiversiteits-kennis- en inligtingbestuurstelsel word voorsien wat bestaande inligtinghulpbronne integreer vir maklike toegang vir beide interne en eksterne eindgebruikers.[2]
'n Kaart van die plantegroei in Suid-Afrika, Lesotho, Eswatini, en die Prins Eduard-eilande word deur die Biodiversiteitsnavorsingsassesserings- en moniteringsafdeling van SANBI saamgestel. Dit is beskikbaar op die BGIS webwerf, en as 'n boek, veldatlas, CD-stel of 'n muurkaart.[7]
Verwysings
wysig- ↑ Governance (Engels). SANBI (2019). URL besoek op 13 Junie 2019.
- ↑ 2,0 2,1 2,2 2,3 2,4 2,5 2,6 2,7 South African National Biodiversity Institute (SANBI) (Engels). Departement van Omgewingsake (2019). URL besoek op 13 Junie 2019.
- ↑ Contact - SANBI (Engels). SANBI (2019). URL besoek op 13 Junie 2019.
- ↑ History (Engels). SANBI (2019). URL besoek op 13 Junie 2019.
- ↑ Threatened Species Programme | SANBI Red List of South African Plants (Engels). South African National Biodiversity Institute (2010). URL besoek op 13 Junie 2019.
- ↑ Millennium Seed Bank (Engels). SANBI (2019). URL besoek op 13 Junie 2019.
- ↑ National Vegetation Map (Engels). SANBI (2019). URL besoek op 13 Junie 2019.