Saalneus

In die mediese vakterminologie verwys saalneus na 'n misvorming van die menslike neus. Dit word gekenmerk deur die insinking van die neusbrug. Die mees algemene vorm is die insinking in die kraakbeen van die onderste derde van die neus. Die insinking in die been (boonste derde van die neus) kom minder voor.

Saalneus
Klassifikasie en eksterne bronne
Saalneus in die kraakbeen van die neus.
ICD-10	A50.5, M95.0, Q67.4
ICD-9	090.5, 754.0
DiseasesDB	11755
Mediese waarskuwing

Simptome

Die insinking van die neusbrug lei gewoonlik tot 'n verswakking van die ander ondersteunende strukture van die neus en dus tot 'n inperking van die nasale asemhaling. Die kosmetiese aspek van die misvorming kan bykomend tot geestelike probleme lei.

Terapie

Die vernietiging van die kraakbeenagtige infrastruktuur van die neus vereis 'n rekonstruksie van die ondersteunende elemente van die neus. Dit behels meestal dat daar 'n oorplanting van kraakbeen moet plaasvind. Die kraakbeen vir so 'n oorplanting word meestal uit die neus self, die ore of die ribbe geneem.

Literatuur

• Ernst Kastenbauer (Hrsg): Nase, Nasennebenhöhlen, Gesicht, Mundhöhle und Pharynx, Kopfspeicheldrüsen; = Hans Heinz Naumann u. a. (Hrsg.): Oto-Rhino-Laryngologie in Klinik und Praxis, Band 2; Stuttgart: Thieme, 1992; ISBN 3-13-676601-6; bl. 147–148