Samsung SGH-E250

	Samsung SGH-E250
Ontwikkelaar	Samsung
Fabrikant	Samsung Electronics
Bekendstelling	2006
Skerm	128x160 pixels, 65,536 kleurskerm TFT LCD
Kamera	0.3 megapixel
Geheue	10 MB
Netwerk(e)	EDGE/ GPRS Class 10 Tri Band (900/1800/1900 MHz) WAP 2.0 Java MIDP 2.0
Verbinding	Bluetooth 2.0 (met Stereo A2DP), USB 1.1
Afmetings	3.92 X 1.95 X .56 in (99.5 x 49.5 x 14.1 mm)
Massa	85 g
Vorm	Glyer
Battery	3.7V 750 mAh Li-Ion
Reeks	E-serie
Portaal	Wetenskap en Tegnologie

Die Samsung SGH-E250 sellulêre telefoon is as intreevlak-model, wat as die basiese weergawe van die Samsung SGH-D900 (Die ULTRA weergawe 12.9) moes dien, uitgegee. Die E250 het baie dieselfde glanstrekke as die D900, hoewel die skermdigtheid sowat die helfte van die D900 s’n is en die kamera 'n skamele 0.3MP teenoor die D900 se 3 MP-kamera uitmaak. In 2012 bly dit steeds die gewildste sellulêre telefoon in Suid-Afrika, met 4,5 miljoen eenhede wat verkoop is.^[1]

Spesifikasies

Model	Samsung SGH-E250
Vervaardiger	Samsung Electronics
Beskikbaar sedert	Julie 2005
Skerm	128x160 beeldelemente, 65,536 TFT LCD (dunfilmtransistor vloeikristal kleurskerm)
SVE	230 MHz
Kamera	0.3 megapiksel (300 000 beeldelemente)
Luitoon	Meerstemmige klank 64 kanale, MP3
Geheue	10 Megagreep
Geheueskyfie	microSD
Netwerke	EDGE/ GPRS Klas 10 Drie-Band (900/1800/1900 MHz) WAP 2.0 Java MIDP 2.0
Verbinding	Bluetooth 2.0 (met Stereo A2DP), USB 1.1
Grootte	3,92 X 1,95 X 0,56 duim (99,5 x 49,5 x 14,1 mm)
Massa	3 onse (± 85 gram)
Fatsoen	Oopgly sellulêre telefoon

Hooffunksies

Drie-band sellulêre verbinding
Mp3/Meerstemmige luitone
VGA/0.3 megapiksel-kamera
Ingeboude 10 megagreep bergplek
Geheueskyfie gleuf (microSD van tot 2 Gigagreep)
SMS/EMS/MMS boodskapdiens
Bluetooth 2.0 (met A2DP ondersteuning)
Luidsprekerfoon
FM-radio
Sakrekenaar
USB 1.1 (vir die oordrag van inligting)
Almanak
Java –speletjies (dit sluit van die volgende in:
Cannonball, Forgotten Warrior, Freekick, Arch Angel, Asphalt2, Minigolf Las Vegas-T&B, en Paris *Hilton's Diamond Quest)
Wekker
Tydhouer
Bewegende muurpapier
Vliegtuig toestand
Kamera
Datum en Tyd
Toets-gesteldheid
MPEG4-speler

Ontwerp

Dit lyk op 'n druppel water na die D900, behalwe dat die MENU-knoppie ietwat groter is. Die Samsung E250 is 'n oopgly-selfoon, met die PRAAT, HERROEP, BEËINDIG, MENU-sleutels, sowel as die stuurknoppies wat op die boonste helfte aanwesig is. Die onderste helfte, wat uitskuif, vertoon die syfersleutels. Hierdie klassieke hedendaagse sellulêre telefoon is in eboniet-swart, silwer, seringpers en soms kristalblou beskikbaar.

Die selfoon gee egter klankprobleme en die gebruiker sukkel dikwels om die deksel bokant die battery af te haal.

Werkverrigting

Die E250 beskik oor 10 megagreep geïntegreerde geheue (wat deur 'n SD-skyf vergroot kan word). Dit word aangevuur deur 'n 230 megahertz verwerkingseenheid, wat blitsige bewerkings teweegbring. Die selfoon kan nietemin nie veelvoudig take afhandel nie, en die ‘musieksentrum’ kan ook nie verklein word nie. Die radio kan daarteenoor gebruik word terwyl ander take gebesig word. Die Samsung SGH-E250 ondersteun nie Java 3D nie, en laat ook nie toe dat speletjies, tensy deur middel van WAP gebruik te maak, opgelaai word nie. Die volume van die Samsung SGH-E250 kan ook verstel word deur hetsy *#8999*8378# of *#0206*8378# in te tik.

Volgens die Mkhoj advertensie agentskap, is die Samsung SGH-E250 amptelik, soos op 12 Julie 2009, die selfoon wat die meeste vir mobiele internet in Suid-Afrika gebruik word. Die persentasie staan 9.16% sterk.

Dit word opgevolg deur die

Samsung SGH-A110 – 4.93%;
Nokia N90 – 4.54%;
Nokia N70 – 2.93% en die
Samsung SGH-M620 – 2.60%

Bronverwysings

↑ Gadget.co.za

http://uk.samsungmobile.com/mobile/SGH-E250/spec Geargiveer 16 April 2009 op Wayback Machine
Nokia losing mobile internet traffic market share in South Africa (Besoek op 22 Augustus)

[1] Gadget.co.za

[1]