Schule Schloss Salem
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Die Schule Schloss Salem is 'n Duitse kosskool wat in die voormalige Ryksabdy Salem in Salem, 'n dorp naby die Bodenmeer in die deelstaat Baden-Württemberg, gehuisves is. Die skool is in 1920 gestig.
| Schule Schloss Salem | |
| |
Schloss Salem (noordfasade van die abdygebou)
| |
| Gestig | 1920 |
|---|---|
| Tipe | Privaatskool |
| Hoof | Prof Dr Dr Eva-Marie Haberfellner |
| Leerlinge | 700 |
| Grade | 5–13 (Abitur), 8–12 (IB) |
| Adres | Schloss Salem, Salem, Duitsland, 88682 |
| Stad | Salem |
| Provinsie | Baden-Württemberg |
| Land | Duitsland |
| Kleure | Blou en wit |
| Webblad | www.salemcollege.de |
Die skool het van begin af seuns en meisies toegelaat. Die stigters Kurt Hahn, Karl Reinhardt en Maximilian von Baden was aanhangers van 'n moderne hervormde opvoedkunde en het 'n stel beginsels volgens hul opvoedkundige oortuigings bepaal wat verder ontwikkel is en nog steeds as basis vir Salem se leerprogram dien.
Die kosskool se leuse is Plus est en vous (Frans, "Julle is tot meer in staat") - dit beteken dat leerders hul talente en vaardighede volgens hulle beste vermoë moet ontwikkel. Dit gaan nie net om meetbare akademiese prestasie nie, maar veral om karaktervorming binne die bestek van universele opvoeding.[1]
Verwysings
wysig- ↑ Schule vergibt Stipendien. In: Südkurier, 30 Desember 2009
Eksterne skakels
wysig
Wikimedia Commons het meer media in die kategorie Schule Schloss Salem.- (de) Die amptelike webtuiste van die Schule Schloss Salem
