Sebastian Kurz (Duitse uitspraak: [zeˈbastˌi̯a:n ˈkʊrt͡s]; gebore 27 Augustus 1986) is 'n Oostenrykse politikus wat van Desember 2017 tot Mei 2019 as kanselier van Oostenryk dien. Kurz is sedert Mei 2017 voorsitter van die Oostenrykse Volksparty (Duits: Österreichische Volkspartei, ÖVP).

Sebastian Kurz
Sebastian Kurz
Kurz in 'n vergadering met die president van Rusland, Wladimir Poetin

Kanselier van Oostenryk
Ampstermyn
18 Desember 2017 – 28 Mei 2019
Vise Heinz-Christian Strache
Hartwig Löger
President Alexander Van der Bellen
Voorafgegaan deur Christian Kern
Opgevolg deur Brigitte Bierlein

Voorsitter van die Volksparty
Ampsbekleër
Termynaanvang
15 Mei 2017
Voorafgegaan deur Reinhold Mitterlehner

Minister van Buitelandse Sake
Ampstermyn
16 Desember 2013 – 18 Desember 2017
Voorafgegaan deur Michael Spindelegger
Opgevolg deur Karin Kneissl

Ampstermyn
1 Januarie 2017 – 18 Desember 2017
Voorafgegaan deur Frank-Walter Steinmeier
Opgevolg deur Karin Kneissl

Adjunkminister van Binnelandse Sake vir Integrasie
Ampstermyn
21 April 2011 – 16 Desember 2013

Lid van die Nasionale Raad
Ampstermyn
9 November 2017 – 22 Januarie 2018
Ampstermyn
29 Oktober 2013 – 16 Desember 2013

Lid van die Gemeenteraad en Landdag van Wene
Ampstermyn
2010 – 2011

Voorsitter van die Jong Volksparty
Ampstermyn
2009 – 2017
Voorafgegaan deur Silvia Grünberger
Opgevolg deur Stefan Schnöll

President van die Politieke Akademie van die Volksparty
Ampstermyn
1 September 2015 – 12 Maart 2018
Voorafgegaan deur Werner Fasslabend
Opgevolg deur Bettina Rausch

Persoonlike besonderhede
Gebore 27 Augustus 1986 (1986-08-27) (34 jaar oud)
Meidling, Wene, Oostenryk
Politieke party Volksparty (2009–nou)
Eggenoot/eggenote Susanne Thier
Handtekening Sebastian Kurz Signature.svg

Militêre diens
Lojaliteit Oostenryk
Diens/Tak Bundesheer
Jare in diens Oktober 2004 – Junie 2005
Eenheid Maria-Theresien-Kaserne

Kurz is in Meidling, Wene gebore en het daar grootgeword. Hy matrikuleer in 2004 aan die GRG 12 Erlgasse en voltooi in 2005 sy militêre diensplig. In daardieselfde jaar begin hy regte by die Universiteit Wene studeer, maar hy voltooi nie sy studies nie. Kurz se politieke loopban begin in 2003 toe hy by die Jong Volksparty (Duits: Junge Volkspartei, JVP) aansluit. Hy betree in 2008 sy eerste politieke pos as voorsitter van die JVP vir Wene. Een jaar later word hy die federale voorsitter van die JVP.

In 2019 word Kurz lid van die Weense staats- en stadswetgewer. Na 'n skommeling van die eerste kabinet van Faymann in 2011 word Kurz staatssekretaris vir integrasie in die departement van binnelandse sake. In 2013 dien hy kortliks as lid van die nasionale raad. Na die wetgewende verkiesing van 2013 word Kurz minister van buitelandse sake, en word hy sodoende die jongste persoon in die geskiedenis van Oostenryk om hierdie amp te beklee.

Na die bedanking van visekanselier Reinhold Mitterlehner as voorsitter van die Volksparty in Mei 2017 word Kurz as sy opvolger aangewys. Mitterlehner se onttrekking uit alle politieke poste lei tot die einde van die kabinet van Kern en tot die vroeë wetgewende verkiesing van 2017, waarin Kurz as die gewildste kandidaat vir sy party deelneem en groot ondersteuning werf met sy kerntemas van immigrasie en sosiale politiek. Die Volksparty wen uiteindelik die verkiesing met 31,5% van die stemme.

As leier van die grootste party na die verkiesing word Kurz deur die staatspresident Van der Bellen opdrag gegee om 'n kabinet te vorm. Kurz vorm gevolglik 'n koalisie met die Vryheidsparty van Oostenryk (Duits: Freiheitliche Partei Österreichs, FPÖ) en word op 18 Desember 2017 as kanselier beëdig. Tydens sy kanselierskap stel hy die 12-uur-werkdag in werking, begin hy die samesmelting van alle Oostenrykse sosiale versekeringsfondse, verbied hy volgesigsluiers in die openbaar, wysig hy familiesubsidie vir Europese buitelanders, bring hy verpligte Duitslesse tot stand, verwerp hy die globale migrasiepakt van die Verenigde Nasies, en stel hy die digitale kantoor en 'n federale basisinkomste voor.

Sy ondersteuners beskou sy regeringstyl as aktief en spoedig, terwyl sy opponente dit as onsamewerkend en haastig beskou. Tydens sy termyn as kanselier was hy die jongste regeringshoof ter wêreld.

Weens 'n korrupsieskandaal in die Vryheidsparty breek die koalisie uitmekaar en word Kurz op 27 Mei 2019 deur die nasionale raad deur middel van 'n mosie van wantroue uit die amp van kanselier onthef.[1][2][3][4][5] Die staatspresident Van der Bellen verwyder hom die volgende dag amptelik uit sy pos en vervang hom met Hartwig Löger.[6]

VerwysingsWysig

  1. Biehl, Sebastiaan (28 Mei 2019). "Koalisieregering in Oostenryk breek uitmekaar". Maroela Media. Geargiveer vanaf die oorspronklike op 13 Augustus 2019.
  2. "Kabinett Kurz verliert Misstrauensabstimmung". orf.at (in Duits). Geargiveer vanaf die oorspronklike op 5 Junie 2019. Besoek op 27 Mei 2019.
  3. "Nationalrat spricht gesamter Bundesregierung das Misstrauen aus". www.parlament.gv.at (in Duits). Geargiveer vanaf die oorspronklike op 2 Januarie 2020. Besoek op 27 Mei 2019.
  4. "Sebastian Kurz, Austrian Leader, Is Ousted in No-Confidence Vote". www.nytimes.com (in Engels). Geargiveer vanaf die oorspronklike op 26 April 2020. Besoek op 18 Mei 2019.
  5. "Austrian Chancellor Kurz Ousted After Nationalists Turn on Him". www.bloomberg.com (in Engels). Geargiveer vanaf die oorspronklike op 29 Desember 2019. Besoek op 18 Mei 2019.
  6. "Löger nun Interimskanzler". orf.at (in Duits). Geargiveer vanaf die oorspronklike op 31 Augustus 2019. Besoek op 27 Mei 2019.

Eksterne skakelsWysig