Sergei Koslof

Sergei Iwanowitsj Koslof (Russies: Сергей Иванович Козлов) is 'n politikus van die Loehansk-oblast in Oekraïne wat sedert 2015 as die eerste minister van die Volksrepubliek Loehansk dien.

Sergei Koslof in 2018.

Koslof is 'n generaal-majoor in die volksmilitia van Donbas waarby hy aangesluit het in reaksie op die Oekraïense Revolusie van 2014. Die Volksrepubliek Loehansk het kort daarna sy onafhanklikheid verklaar. Vóór sy aansluiting by die militia het Koslof in Oekraïne se staatsnooddiens gedien.

Biografie

Vóór sy aanstelling as eerste minister het Koslof die posisie van adjunkkommandeur van die magte van die republiek beklee.

Koslof het in 1981 begin studeer aan die Voroshilovgrad Higher Military Aviation School of Navigators.