Sergey Brin
Sergey Brin (geb. Сергей Михайлович Брин, Sergei Michailowitsj Brin; Moskou, 21 Augustus 1973) is een van die stigters van Google, saam met Larry Page.[1] Vanaf Oktober 2019 is Brin die 10de rykste persoon ter wêreld, met 'n geskatte netto waarde van 53,8 miljard dollar[2] is hy een van die 50 rykste mense ter wêreld.
Sergey Brin | |
|---|---|
 Brin in 2008. | |
| Gebore | Sergei Michailowitsj Brin 21 Augustus 1973 |
| Beroep | Rekenaarwetenskaplike, internet-entrepreneur |
| Bekend vir | Medestigter van Google |
| Handtekening | |
 | |
Vroeë lewe
wysigBrin is in Moskou, toe in die Sowjetunie, gebore as die seun van Joodse ouers, Michael en Eugenia Brin, albei gegradueerdes van die Moskouse Staatsuniversiteit.[3]
In 1979, toe Brin ses jaar oud was, het sy ouers besluit om na Amerika te immigreer. In ’n onderhoud[4] het Sergey se pa verduidelik dat hy nie in die Sowjetunie ’n sterrekundige kon word nie omdat Jode destyds uit die professionele beroepe gehou is, en dit veral moeilik was om in universiteite se fisikadepartement toegelaat te word. Hy het dus wiskunde studeer.[5]
Nadat Michael in 1977 van ’n wiskundekonferensie in Warskou teruggekeer het, waar hy vrylik met kollegas oor die wêreld heen kon meng, het hy besluit om die Sowjetunie saam met sy gesin te verlaat. [5] Hulle het amptelik aansoek gedoen om te emigreer, en hy en sy vrou het albei dadelik hul werk verloor. Nadat hulle agt maande lank sonder werk was, is hul aansoek eindelik goedgekeur en kon hulle emigreer.[5]
In Amerika het Sergey Brin ná skool rekenaarwetenskap en wiskunde aan die Universiteit van Maryland studeer, waar hy in Mei 1993 sy B.Sc. cum laude behaal het.[6] Hy het daarna rekenaarwetenskap aan die Stanford-universiteit studeer.
Ontwikkeling van Google
wysigTydens ’n oriëntasie vir nuwe studente aan Stanford het hy Larry Page ontmoet. Nadat hulle aanvaklik oor alles verskil het, het hulle later mekaar se intellektuele sielemaats en goeie vriende geword. Saam met hulle die artikel "The Anatomy of a Large-Scale Hypertextual Web Search Engine" geskryf.
Hulle het koppe bymekaargesit en op goedkoop rekenaars in hul koshuiskamer ’n nuwe soekenjin ontwerp en getoets. Hulle het hul Ph.D.-studie opgeskop om heeltyd aan hul stelsel te werk. Hulle het geld bymekaargeskraap om hul beroemde motorhuis in Menlo Park, Kalifornië, te huur waar hulle Google sou ontwikkel en hul lewe vir goed sou verander.
Verwysings
wysig- ↑ "Larry Page". Forbes (in Engels). Geargiveer vanaf die oorspronklike op 2 Mei 2020. Besoek op 3 Maart 2014.
- ↑ "Sergey Brin profile". Forbes (in Engels). Geargiveer vanaf die oorspronklike op 3 Maart 2020. Besoek op 24 Januarie 2018.
- ↑ "Dominic Lawson: More migrants please, especially the clever ones", The Independent, VK, 11 Oktober 2011
- ↑ Vise, David, en Malseed, Mark. The Google Story, Delta Publ. (2006)
- ↑ 5,0 5,1 5,2 Malseed, Mark (Februarie 2007). "The Story of Sergey Brin". Moment Magazine. Geargiveer vanaf die oorspronklike op 21 Januarie 2013. Besoek op 22 Augustus 2014.
- ↑ Brin, Sergey (7 Januarie 1997). "Resume" (in Engels). Geargiveer vanaf die oorspronklike op 29 Februarie 2020. Besoek op 9 Maart 2008.
Eksterne skakels
wysig- Brin se blog
- Profile: Sergey Brin by BBC News
- Sergey Brin Geargiveer 11 Februarie 2011 op Wayback Machine by Forbes
- Momentmag: "The Story of Sergey Brin" Geargiveer 5 Julie 2012 op Wayback Machine
Wikimedia Commons het meer media in die kategorie Sergey Brin.
