Shewa
Shewa (Oromo: Shawaa; Amharies: ሸዋ), voorheen Sjoa gespel (Scioà in Italiaans),[1] is ’n historiese streek van Ethiopië en voorheen ’n outonome koninkryk in die Keiserryk Ethiopië. Die huidige Ethiopiese hoofstad, Addis Abeba, is in die middel daarvan geleë.
.svg)
Die kern van Shewa is deel van ’n bergagtige plato in wat nou die sentrale deel van Ethiopië is, maar voor die Zemene Mesafint ("Era van Prinse") en ná die verlies van Bale met die inval van Ahmed Al-Ghazi, was Shewa deel van Ethiopië se suidoostelike grens.
Die dorpe Debre Berhan, Antsokia, Ankober, Entoto en, nadat Shewa ’n provinsie van Ethiopië geword het, Addis Abeba was almal die een of ander tyd die hoofstad van Shewa. Die grootste deel van Noord-Shewa word bewoon deur Christelike Amhare, terwyl die Gurage in die suidelike deel woon en die oostelike deel groot Oromo- en Argobba-Moslem-bevolkings het. Die klooster van Debre Libanos, wat deur sint Tekle Haymanot gestig is, is in die distrik Selale geleë.
Verwysings
wysig- ↑ "Shoa". Encyclopædia Britannica (11de) 24. (1911). Cambridge University Press.
Skakels
wysig
Hierdie artikel is in sy geheel of gedeeltelik uit die Engelse Wikipedia vertaal.
