Sibusiso Duma
Sibusiso Duma (geb. 6 Mei 1984) is ’n Suid-Afrikaanse reeksmoordenaar wat in 2007 en 2009 aan onderskeidelik twee en vyf moorde skuldig bevind en tot agt keer lewenslange tronkstraf gevonnis is.[1] Hy was veral bedrywing om die stad Pietermaritzburg in KwaZulu-Natal.
| Sibusiso Duma | ||
| Gebore | 6 Mei 1984 | |
| Land | Suid-Afrika | |
| Beroep | Taxidrywer | |
| Misdaad | Reeks moorde | |
| Misdaadbesonderhede | ||
| Plek | Pietermaritzburg, KwaZulu-Natal | |
| Datum(s) | 9 September 2007 – 25 Oktober 2007 | |
| Slagoffers | 7 | |
| Metode | Verkrag, doodgery, geskiet | |
| Vonnisbesonderhede | ||
| Aangekeer | 26 Oktober 2007 | |
| Vonnisdatum | 14 November 2007, 4 Augustus 2009 | |
| Vonnis | 8 lewensvonnisse + 139 jaar | |
Duma is ’n gewelddadige psigopaat wat sy slagoffers beroof, ontvoer, gemartel, verkrag en vermoor het. Hy was ’n minibustaxidrywer en het sy voertuig gebruik om slagoffers te kry en soms as ’n moordtuig. Sy metode het van slagoffer tot slagoffer verskil; hy was dus ’n ongeorganiseerde moordenaar.
Moorde en vonnis
wysigDuma het op 9 September 2007 die eerste keer gemoor toe hy sy minibustaxi gebruik het om die veiligheidswag Mqeku Zondi om te stamp en twee keer oor hom te ry.[2] Hy het toe sy slagoffer beroof van geld en ’n pistool.
Op die aand van 14 Oktober 2007 het Duma en ’n medepligtige, Simphiwe Khesi, by ’n plaaslike sjebeen gedrink. Toe hulle die sjebeen net ná seweuur verlaat, het hulle besef daar is nie meer minibustaxi's beskikbaar nie. Hulle het besluit om ’n motor te kaap om mee huis toe te gaan.[3] Hulle het die 29-jarige bankwerknemer Patricia Kippen (39) doodgeskiet. Dit het inwoners se aandag getrek en die twee mans het sonder die motor gevlug. Kort daarna het hulle die oudmisdaadverslaggewer Elaine Anderson (59) doodgeskiet.[2]
Op 19 Oktober 2007 het Duma vir Hlengiwe Shangase vermoor. Hy het haar naby haar huis ingewag en haar na ’n afgesonderde gebied geneem, waar hy haar verkrag het. Hy het haar toe in die kop geskiet met die pistool wat hy van Zondi gesteel het.[2]
Die volgende dag het Duma twee mans gekaap en vermoor: Masizane Mtshatsha en Thamsanqua Mbindwane. ’n Uur later, terwyl hy in die gesteelde voertuig gery het, het hy nog drie slagoffers gekaap: Tsepo Mhlongo, Linda Jali en ’n tienermeisie. Die twee mans is besteel, beveel om uit die motor te klim en toe geskiet en vir dood agtergelaat. Duma en Khesi, wat weer saam met hom was, het die jong meisie na ’n begraafplaas geneem, waar hulle haar verkrag het. Duma het toe met die gesteelde voertuig ’n paar keer oor haar gery om haar te vermoor.[2]
Duma se laaste moord was op 25 Oktober 2007 toe hy ’n onderwyseres van Pinetown, Noxolo Dlamini, gekaap, beroof, verkrag en vermoor het.
Hy is aanvanklik op 14 November 2007 saam met Khesi aangekla en gevonnis weens die moorde op Kippen en Anderson. Albei mans het benewens twee lewenslange tronkvonnisse 15 jaar gekry vir ’n poging om Anderson te beroof. Duma het ook 15 jaar gekry vir die roof op Kippen, en Khesi 20 jaar. Albei mans het gelag toe hulle gevonnis word.[3]
Op 4 Augustus 2009 is Duma aangekla van sy verskeie ander misdade. Op 17 Augustus het hy nog ses lewenslange vonnisse gekry plus altesaam 104 jaar.[4]
Sien ook
wysigVerwysings
wysig- ↑ "News 24 : Life in jail for Serial Killer". Geargiveer vanaf die oorspronklike op 20 September 2012. Besoek op 5 November 2014.
- ↑ 2,0 2,1 2,2 2,3 ‘‘The Saturday Star’’ : Jailed Killer denies killer rampage.
- ↑ 3,0 3,1 ‘‘iol’’ : Killers laugh at jail term.
- ↑ "Serial Killers Talk : He must never leave jail". Geargiveer vanaf die oorspronklike op 31 Desember 2009. Besoek op 5 November 2014.