Silikon-28

Eienskappe

Algemeen
Naam	Silikon-28
Protone	14
Neutrone	14
Kernspin	0+
Massa-oorskot	-21492,7968 keV
Status
Status	stabiel
Relatiewe voorkoms	92,2297 %
Navigasie
2713Al $\nwarrow$$\uparrow$$\nearrow$ $\leftarrow$2814Si$\rightarrow$ $\swarrow$$\downarrow$$\searrow$ 2914Si
Lys van isotope

Silikon-28 (chemiese notasie: ²⁸₁₄Si) is 'n stabiele isotoop van silikon. Dit is die isotoop wat die volopste voorkom.

KMR

²⁸Si het 'n kernspin I=0 en is daardeur in teenstelling tot silikon-29 ongeskik vir kernmagnetiese resonansie.

Nukleosintese

Silicon-28 is 'n primêre nuklied in nukleosintese. Dit word gevorm in die suurstofverbranding wat in 'n later fase van 'n ster se ontwikkeling plaasvind:

¹⁶O + ¹⁶O → ²⁸Si + ⁴He

In hierdie fase is daar reeds magnesium aanwesig en het helium verdwyn. Die gevormde alfadeeltjie reageer daardeur as:

⁴He + ²⁴Mg → ²⁸Si + γ

Later sal die ster ineenstort in 'n supernova en word volop silikon-28 vrygestel. Dit verklaar waarom hierdie nuklied volop is en 'n groot deel van die aardkors vorm.

Atoommassa

Onsekerheid in die atoommassa

Silikon-28 se atoommassa is met groot noukeurigheid bekend en dit het aansienlik oor tyd verbeter. Daar is belangstelling in die isotoop omdat geleerdes van die Avogadroprojek planne maak om die definisie van die atoommassa-eenheid, die mol en die kilogram te hersien. Dit was op die isotoop koolstof-12 gebaseer (tot 2018), maar die definisie word dalk in die toekoms op silikon-28 afgestem. Daar is reeds 6 kg uiters suiwere silikon-28 vervaardig.