Silwereik

Die silwereik (Grevillea robusta) is 'n indringerplant en groot immergroen boom wat tot 30 m hoog kan word. Dit is inheems in die ooste van Australië. Die boom het 'n reguit stam, die takke is dikwels kaal met 'n slordige voorkoms. Dit staan ook bekend as die Australiese silwereik. Die saamgestelde blare is varingagtig, grysgroen aan die bokant en silwerig aan die onderkant. Die blomme is goudgeel en kom in trosse voor; dit is die opvallendste in die vroeë somer. Die vrug is 'n harde houtagtige kapsule. Die boom groei vinnig en word in parke en tuine aangeplant.

Silwereik
Wetenskaplike klassifikasie
Koninkryk:	Plantae
(geen rang):	Angiosperms
(geen rang):	Eudicots
Orde:	Proteales
Familie:	Proteaceae
Genus:	Grevillea
Spesie:	G. robusta
Binomiale naam
Grevillea robusta A.Cunn. ex R.Br.

Blare en blomme

Blaar

Sien ook

• Alfabetiese lys van Suid-Afrikaanse bome
• Lys van indringerplante in Suid-Afrika

Bron

• Natuurlewe van Suid-Afrika Duncan Butchart Struik Nature 2012 ISBN 978-1-4317-0248-0

Eksterne skakels

• Wikimedia Commons het meer media in die kategorie Silwereik.
• Wikispecies het meer inligting verwant aan Silwereik