Silwerstormvoël
Die silwerstormvoël (Fulmarus glacialoides) is 'n skaars stormvoël van die suidelike oseane, wat in Suid-Afrika aan die aan die wes- en suidkus opgemerk word. Hulle is langlewende en monogame voëls, wat ook getrou aan hul broeiplekke is. In Engels staan dit as die Southern fulmar bekend. Die ysstormvoël (Fulmarus glacialis) is 'n susterspesie wat tot die noordelike oseane beperk is.
| Silwerstormvoël | |
|---|---|
| |
| Enkeling aan die Tasmaanse kus | |
Wetenskaplike klassifikasie 
| |
| Domein: | Eukaryota |
| Koninkryk: | Animalia |
| Filum: | Chordata |
| Klas: | Aves |
| Orde: | Procellariiformes |
| Familie: | Procellariidae |
| Genus: | Fulmarus |
| Spesie: | F. glacialoides
|
| Binomiale naam | |
| Fulmarus glacialoides (Smith, 1840)
| |
| |
| swerfgebied buite broeityd | |
Beskrywing
wysigDie voël is 45 tot 51 cm groot en weeg 670 tot 1 000 g. Die vlerkspan wissel van 110 tot 120 sentimeter. Die voël is liggrys met 'n wit borskant.
Gewoontes
wysigBuite die broeiseisoen is dit 'n pelagiese spesie wat op vis, inkvis en garnale voed. Hulle broei aan die kuslyn van Antarktika en aanliggende eilande. Meestal sal 'n paar slegs een eier per broeiseisoen lê. Hul neste word meestal op lyste of in skeure teen kuslangse kranse geplaas. Roofmeeue en kokerbekke hou 'n gevaar in, maar die broeivoëls kan hulself verdedig deur 'n onwelriekende olie op die bedreiging uit te spoeg.
Fotogalery
wysig-
By die nes op 'n krans aan die Antarktiese kus -
In vlug oor die oseaan -
Eier van 'n silwerstormvoël
Sien ook
wysigBron
wysig| Wikimedia Commons bevat media in verband met Fulmarus glacialoides. |
- Sasol Voëls van Suider-Afrika. Struik Nature. Vierde Uitgawe 2011. ISBN 978-1-77007-926-7
Verwysings
wysig- ↑ BirdLife International (2018). "Fulmarus glacialoides". IUCN Red List of Threatened Species. 2018: e.T22697870A132609920. doi:10.2305/IUCN.UK.2018-2.RLTS.T22697870A132609920.en. Besoek op 12 November 2021.
