Sing vir die harlekyn

Sing vir die Harlekyn is 'n Afrikaanse rolprent wat in 1980 deur Rand Films uitgereik is. Johann Schutte was die vervaardiger en F.C. Hamman die regisseur. Anton Goosen het die musiekverwerking behartig.

Sing vir die Harlekyn
Regisseur	FC Hamman
Produksieleier	Johann Schutte
Draaiboek	Cobus Robinson
Met	Sonja Herholdt André Swiegers Bill Curry Carina Steyl Frik Herholdt
Musiek deur	Anton Goosen
Ateljee	Rand Films
Verspreider	Rand Films
Uitgereik	1980
Speeltyd	90 minute
Land	Suid-Afrika
Taal	Afrikaans

Hoofrolspelers

• Sonja Herholdt as Tina.
• André Swiegers
• Bill Curry
• Carina Steyl
• Frik Herholdt

Storielyn

Sing vir die Harlekyn is 'n musiekrolprent met Sonja Herholdt in die hoofrol as Tina. Dit is die verhaal van Diederik, 'n vuurtoringwagter wat droom van die dag wanneer sy dogter geleerd sal terugkom as onderwyseres om klas te gee onder hulle mense aan die Weskus. Tina droom egter van groter hoogtes en sterstatus met haar sang. Sy druip haar eerste jaar op universiteit tot haar pa se diepe teleurstelling, maar Niek, 'n jarelange vriend, glo dat drome die begin van alles is. Hy praat haar moed in en met die simpatieke ondersteuning van Charlie die harlekyn, betree sy die pad na sukses. Dit is 'n hartseer suksesverhaal, propvol musiek en speel af op Paternoster aan die Weskus en in Johannesburg.

Sien ook

• Lys van Afrikaanse rolprente