Bill Curry
Bill Curry (geb. 26 Maart 1931)[1] is ’n Suid-Afrikaanse akteur en regisseur, en hy was waarskynlik die land se eerste bruin teater-ster in die middel van die apartheidsjare.[2] Hy het in talle teaterproduksies en flieks soos Sing vir die harlekyn en Diamant en die dief gespeel.
| Bill Curry | |
| Geboorte | 26 Maart 1931 Kaapstad |
|---|---|
| Nasionaliteit | Suid-Afrika |
| Beroep(e) | Akteur, regisseur |
| Aktiewe jare | 1972–2008 |
| Rolprente | Sing vir die harlekyn Diamant en die dief |
| Internet-rolprentdatabasis-profiel | |
Loopbaan
wysigCurry het sy loopbaan in Kaapstad se amateurteater begin toe hy 12 jaar oud was[3] en was ewe tuis was in Afrikaans en Engels. Hy is in 1956 na Londen, waar hy gestudeer en ondervinding opgedoen het. In 1972 was hy een van die stigterslede van Die Ruimte, waar hy verskeie jare opgetree het saam met akteurs soos Yvonne Bryceland in toneelstukke soos Snowhite & the Special Branch! (Pieter-Dirk Uys, 1974).
In 1976 is hy Johannesburg toe waar hy onder meer in die Markteater opgetree het. Hy was saam met Joe Stewardson in John Steinbeck se Of Mice and Men, saam met Bess Finney in The Gin Game en ook in Hennie Aucamp se Met Permissie Gesê. Sy rol in Athol Fugard se A Lesson from Aloes was een van sy grootste rolle. Hy het dié rol ook later in die National Theatre in Londen vertolk[4] saam met Marius Weyers en Shelagh Holiday.
In 1977 het hy, Chris Galloway, Dawie Malan en ander die eksperimentele teatergroep Fringe gestig, waar hy die regisseur van onder meer The Riddle Machine was.
In 1980 was hy in die Laager te sien in Israel Horowitz se The Indian Wants the Bronx saam met Michael Richard en Jonathan Rands, met Bobby Heaney as regisseur. In 1982 het ’n rol in Uys se Hell is for Whites Only gevolg. In 1989 het hy vir die Transvaalse Raad vir Uitvoerende Kunste (Truk) gespeel in Jean Genet se The Blacks en in 1993 was hy in Fugard se Boesman and Lena. Hy was by Truk tot met die raad se ontbinding.
Toneelstukke
wysig
Filmografie
wysig- SMS Sugar Man, 2008
- The Bird Can't Fly, 2007 as posman
- Boy Called Twist, 2004 as Ebrahim Bassedien
- Saints, Sinners and Settlers (TV-minireeks), 1999
- River of Diamonds, 1991 as Elija Pennyworth
- The Winter's Tale (TV-fliek), 1988 as Antigonus
- Hostage, 1987 as doanebeampte
- You Must Be Joking Too!, 1987 as generaal Lobos
- The Merchant of Venice (TV-fliek), 1987 as Morocco
- April 1980, 1980 as Basil Williams
- Sing vir die harlekyn, 1980 as Niek
- Skelms, 1980 as Jeffrey Fantastic
- Herfsland, 1979 as Jeffrey
- Diamant en die dief, 1978 as Jeffrey Fantastic
- Mister Deathman, 1977 as taxi-bestuurder
- Dingetjie & Idi, 1977 as Kanna
Verwysings
wysig- ↑ Internasionale teaterlegende Bill Curry vier vandag 80 jaar, Die Burger, 26 Maart 2011[dooie skakel] URL besoek op 1 Maart 2013
- ↑ HAT Taal-en-feitegids, Pearson, Desember 2013, ISBN 978-1-77578-243-8
- ↑ The Encyclopaedia of South African Theatre, Film, Media and Performance URL besoek op 1 Maart 2013
- ↑ Nuwe stuk van Fugard in April, Die Burger, 19 Maart 2009 URL besoek op 1 Maart 2013