Fringe was ’n eksperimentele teatergeselskap wat in 1977 in Kaapstad gestig is deur ’n groep akteurs, onder andere Dawie Malan, Chris Galloway en Bill Curry. Produksies sluit in Exit the King, Deathwatch, Die Van Aardes van Grootoor, Info Scandals en The Haunted Host. Hulle het hoofsaaklik in Die Ruimte in Kaapstad opgetree, maar ook in die Baxter in dié stad en die Markteater in Johannesburg.