Sir Seewoosagur Ramgoolam botaniese tuin

Die Sir Seewoosagur Ramgoolam-botaniese tuin (soms verkort tot die SSR Botaniese tuin), algemeen bekend as die Pamplemousses-botaniese tuin, is 'n gewilde toeriste-aantreklikheid in Pamplemousses, naby Port Louis, Mauritius. Dit is die oudste botaniese tuin in die Suidelike Halfrond en is bekend vir sy lang dam met die reuse waterlelies (Victoria amazonica). Die tuin is gebou deur Pierre Poivre (1719–1786) in 1770 en dek 'n gebied van sowat 37 hektaar.

Reuse waterlelies by die SSR-botaniese tuin

Dam in die SSR-botaniese tuin

Die tuin, wat 'n lang ruk die derde plek beklee het tussen al die tuine wat oor die wêreld bewonder kan word, het al bekend gestaan as "Jardin de Mon Plaisir", "Jardin des Plantes", "Le Jardin National de l’Ile de France", "Jardin Royal", "Jardin Botanique des Pamplemousses", en tydens die Britse kolonialisme, die "Royal Botanical Gardens of Pamplemousses". Op 17 September 1988 is die tuin formeel genoem as "Sir Seewoosagur Ramgoolam Botaniese tuin", na die eerste Eerste minister van Mauritius, soos ook die kleiner SSR Botaniese Tuin van Curepipe.

Benewens sy reuse waterlelies, beskik die tuin ook oor speserye, ebonies, suikerriet en 85 variëteite van palms van Sentraal-Amerika, Asië, Afrika en die eilande in die Indiese Oseaan. Baie bome is deur wêreldleiers en koninklikes, soos Prinses Margaret, Indira Gandhi, François Mitterrand en Robert Mugabe geplant.

Eksterne skakels

• Wikimedia Commons het meer media in die kategorie Sir Seewoosagur Ramgoolam botaniese tuin.
• Amptelike webtuiste Geargiveer 22 Mei 2015 op Wayback Machine

Reuse waterlelies by die SSR-botaniese tuin.