Skildmaagd
'n Skildmaagd (Oudnoors: skjaldmær) was 'n vroulike vegter uit die Noorse en Skandinawiese mitologie. Hulle word dikwels genoem in sagas soos Hervarar saga ok Heiðreks en in Gesta Danorum. Hulle kom ook voor in verhale van ander Germaanse volke, soos die Gote.[1] Die mitiese Walkures kan op sulke skildmaagde geskoei wees.[1]
,_G._Bussiere,_1897.jpg)
Historiese bestaan
wysigDaar is al debatte gevoer oor die historiese bestaan al dan nie van skildmaagde. Volgens die mees onlangse geskrifte het hulle wel bestaan.[2][3] Ander geleerdes, soos professor Judith Jesch, meen daar is 'n gebrek aan bewyse vir opgeleide of gereelde vroulike vegters.[4]
Daar is historiese bewyse dat vroue uit die Wikingtydperk aan oorloë deelgeneem het. Die Bisantynse historikus John Skylitzes het berig vroue het geveg toe Swjatoslaf I van Kiëf die Bisantyne in 971 in Bulgarye aangeval het.[5] Toe die Warangiërs 'n groot nederlaag gely het in die Slag van Dorostolon, was die oorwinnaars verstom toe hulle vroue onder die gesneuwelde vegters kry.[5]
Toe Leif Erikson se swanger halfsuster Freydís Eiríksdóttir in Winland was, het sy na berig word 'n swaard opgeneem en aanvallende magte kaalbors verjaag.[5] Daar word van die geveg vertel in die Groenlandse Saga, wat nie eksplisiet na Freydís as 'n skildmaagd verwys nie.[6]
Saxo Grammaticus het berig dat skildmaagde in die jaar 750 aan die kant van die Dene geveg het in die Slag van Brávellir.[7]
Verwysings
wysig- ↑ 1,0 1,1 Die artikel Sköldmö in Nordisk familjebok (1917).
- ↑ "Secrets of the Vikings: Shield Maidens". www.history.com. Geargiveer vanaf die oorspronklike op 25 Januarie 2016.
- ↑ Anderson, Christina (14 September 2017). "A Female Viking Warrior? Tomb Study Yields Clues". The New York Times. Besoek op 24 Augustus 2018.
- ↑ Jesch, Judith (19 April 2014). "Viking women, warriors, and valkyries". blog.britishmuseum.org. Geargiveer vanaf die oorspronklike op 3 Maart 2016. Besoek op 10 Mei 2017.
- ↑ 5,0 5,1 5,2 Harrison, D. & Svensson, K. (2007). Vikingaliv. Fälth & Hässler, Värnamo. ISBN 978-91-27-35725-9. p. 71
- ↑ Thorsson, Ö. (red.) The Sagas of the Icelanders. Penguin Books, 1997.
- ↑ Grammaticus, Saxo (11 Februarie 2006) [early years of the 13th Century CE], Killings, Douglas B. (red.), The Danish History, Books I–IX [The Nine Books of the Danish History of Saxo Grammaticus] (E-book) (in Latyn), vertaal deur Elton, Oliver, New York: Norroena Society (published 1905), besoek op 2 Januarie 2020 – via Project Gutenberg
Skakels
wysig
Wikimedia Commons het meer media in die kategorie Skildmaagd.
Hierdie artikel is in sy geheel of gedeeltelik uit die Engelse Wikipedia vertaal.
