Skopboks

volkontak gevegsport waarin die handskoende mededingers kaalvoet kan slaan en skop

Skopboks is 'n vegkuns, soortgelyk aan boks, waar beide die vuiste en bene gebruik word. Die opponent word dus met beide slaanhoue sowel as skoppe aangeval. Die sport het sy oorsprong in Japan en die Verenigde State, waar dit in die sewentigerjare gewild geraak het. Daar is verskeie vorme van skopboks, maar die gewildste laat slegs houe na die opponent se kop en bors toe.

'n Skopbokser skerm 'n hoë skop af.

Skopboks vind in 'n ring of bokskryt plaas. Die deelnemers dra handskoene. Beenskutte word ook soms gedra.

Skopboks word in vyf klasse opgedeel, naamlik:

  1. J-klas (Jeug)
  2. N-klas (Nuwelinge/ Beginners)
  3. C-klas
  4. B-klas
  5. A-klas

Na drie oorwinnings in die N-klas word 'n bokser na die C-klas gepromoveer. Na 6 oorwinnings in die C-klas word na die B-klas opgeskuif. Na agt oorwinnings in die B-klas betree die bokser die A-klas.