Skotse vouoorkat
Die Skotse vouoorkat (Engels: Scottish Fold) is ’n katras met ’n dominantegeenmutasie wat veroorsaak dat die ore gevou is na die voorkant van hul gesig.
| Skotse vouoorkat | ||||
| ||||
| Land | Skotland | |||
| Ontstaan | Natuurlik | |||
| Soort lyf | Stewig | |||
| Pels | Kort/lank | |||
| Patroon | Alle | |||
| Wetenskaplike naam | ||||
| Felis catus (huiskat) | ||||
| Nota: Nie deur alle verenigings erken nie. | ||||
| ||||
Geskiedenis wysig
Die oorspronklike Skotse vouoorkat was ’n plaaskat met die naam Susie, wat in 1961 op ’n plaas in Skotland gevind is. Haar ore het ’n buitengewone vou ingehad en toe sy kleintjies kry, het twee van hulle ook die vou in die ore gehad. ’n Buurman, William Ross, wat ’n katliefhebber was, het een aangeneem. Hy het die ras in 1966 by Brittanje se Governing Council of the Cat Fancy (GCCF) geregistreer en begin om met die katte te teel met die hulp van die genetikus Pat Turner. In die teelprogram is gevind dat as een ouer die geen verskaf vir gewone ore en die ander ouer ’n geen vir gevoude ore, is die kans 50 persent dat die kleintjies gevoude ore sou hê.[1]
Die kat word nie in Europa as ’n skoukat aanvaar nie en die GCCF het die registrasie van die katte in 1971 teruggetrek weens gebreke en kommer oor genetiese afwykings in die ore soos doofheid en infeksie. Die ras is egter na Amerika uitgevoer en daar is voortgegaan met die teling van die katte deur hulle te kruisteel met Britse en Amerikaanse korthaarkatte. Sedertdien het die katte nie die oorprobleme nie, hoewel meer was daarin kan opbou as by ander katte.[2][3]
Beskrywing wysig
Alle Skotse vouoorkatte word gebore sonder die vou. Dié wat die geen dra, se ore sal gewoonlik binne 21 dae ’n vou begin toon. Die oorspronklike katte het net een vou in elke oor gehad, maar deur selektiewe teling is dit vermeerder tot ’n dubbele of driedubbele vou wat meebring dat die ore heeltemal plat teen die kop lê.
Hulle is medium-groot katte en die hele bou, veral die kop en gesig, is rond. Die oë is groot en rond. Die neus is kort met ’n effense wip. Die bene is middelmatig tot kort. Die pels kan kort of lank wees en hulle kan feitlik enige kleur of kombinasie van kleure hê, insluitend wit, maar nie kleurpunte nie.[1]
Al die katte, dié met gevoude en normale ore, is rustig en pas maklik by ander diere aan. Hulle is gewoonlik baie liefdevol en spelerig.[3]
Sien ook wysig
Verwysings wysig
- ↑ 1,0 1,1 "Scottish Fold FAQ" (in Engels). Fanciers.com. 30 November 1971. Geargiveer vanaf die oorspronklike op 27 Oktober 2019. Besoek op 3 Oktober 2009.
- ↑ "CFA breed article on Scottish Folds" (in Engels). Cfa.org. 31 Mei 1999. Geargiveer vanaf die oorspronklike op 14 Desember 2010. Besoek op 3 Oktober 2009.
- ↑ 3,0 3,1 J. Anne Helgren. "Petfinder "Scottish Fold"". Petfinder.com. Geargiveer vanaf die oorspronklike op 20 November 2008. Besoek op 3 Oktober 2009.
Eksterne skakels wysig
- Suider-Afrikaanse standaarde Geargiveer 24 Januarie 2011 op Wayback Machine
- CFA-profiel Geargiveer 15 April 2012 op Wayback Machine
Wikimedia Commons het meer media in die kategorie Skotse vouoorkat.
Hierdie artikel is vertaal uit die Engelse Wikipedia
