Slaapkamer in Arles
|
| Slaapkamer in Arles |
| Vincent van Gogh, 1888 |
| Olie op doek, 72 × 90 cm |
| Van Gogh-museum |
Slaapkamer in Arles (Frans: La Chambre à Arles; Nederlands: Slaapkamer te Arles) is 'n skildery deur die 19de-eeuse Nederlandse skilder Vincent van Gogh. Dit is 'n uitbeelding van Van Gogh se slaapkamer by sy "Geel Huis" Geargiveer 11 Maart 2007 op Wayback Machine in Arles, Bouches-du-Rhône, Frankryk.
Van Gogh het Slaapkamer in Arles in Oktober 1888 geskilder terwyl hy daar gewoon het kort voor sy opname in die psigiatriese inrigting by die Klooster Saint-Paul de Mausole. Die skildery is bekend vir die gebruik van kleur en perspektief.
Van Gogh het aan sy broer Theo oor die skildery geskryf hy wil uitdrukking gee aan rus en die eenvoud van sy slaapkamer benadruk met behulp van die simboliek van kleure.
"Ek het die mure bleeklila geskilder, die vloer ’n geruite rooi, die geel van die stoele en houtbed is dié van vars botter, die kussings en laken ’n bleek lemmetjiegroen, die deken bloedrooi, die toilettafel oranje, die kom blou, die venster groen. En dit is al. Daar is niks anders in die kamer met toe hortjies nie. Die vierkantige meubelstukke moet doelgerigte rus voorstel; ook die portrette teen die muur, die spieël, die bottel, en 'n paar kostuums. Wit is nie in die skildery gebruik nie, die raam sal dus wit wees. Ek het geen vorm van skadu uitgebeeld nie; ek het slegs eenvoudige kleure gebruik soos dié in pannekoeke."
Die skildery hang tans in die Van Gogh-museum in Amsterdam.
Tweede weergawe
wysigVan Gogh het aan sy broer geskryf dat die skildery weens die vloede van die Rhône beskadig is terwyl hy in die psigiatriese inrigting was. Op aanbeveling van sy broer het hy toe ’n tweede weergawe geskilder en dit in September 1889 voltooi. Dit hang tans in die Art Institute in Chicago.
Derde weergawe van die skildery
wysig
|
| Slaapkamer in Arles |
| Vincent van Gogh, 1889 |
| Olie op doek, 72 × 90 cm |
| Musée d'Orsay |
Van Gogh het in die somer van 1889 besluit om kleiner weergawes van verskeie van sy beste werke vir sy ma en suster te maak, en Slaapkamer in Arles was een van die skilderye wat hy gekies het. Dit is egter nie ’n presiese kopie nie; opmerklik is die gebruik van blouer kleure as in die oorspronklike skildery, die minder detail van die vloer, sowel as verskille in die twee portrette teen die mure.
Die derde weergawe hang tans in die Musée d'Orsay, Parys.