Sobek

Egiptiese god

Sobek (ook gespel Sochet, Sobki ens.) was in die Egiptiese mitologie ’n god van ’n komplekse en veranderlike aard.[1] Hy is verbind met die Nyl-krokodil en is soms as een uitgebeeld, of as ’n man met die kop van ’n krokodil. Hy is ook verbind met die farao's se mag, vrugbaarheid en militêre mag. Hy was ook soms ’n god van beskerming, veral teen die gevare van die Nyl.

Sobek
Sobek is dikwels uitgebeeld as ’n man met die kop van ’n krokodil.
Sobek is dikwels uitgebeeld as ’n man met die kop van ’n krokodil.
Soort god  Egipties
God van Die Nyl, weermag en vrugbaarheid
Naam in hiërogliewe
S29D58V31
I3

OF
I4
Kultussentrum  Faijoem
Simbool Krokodil
Ouers Neith
Portaal  Portaalicoon   Antieke Egipte

Eienskappe en mites wysig

 
Dié reliëfwerk uit die Tempel van Kom Ombo wys Sobek met ’n septer, koninklike uitrusting en anch.

Sobek is eerstens ’n aggressiewe en animalistiese god wat die reputasie van die groot Nyl-krokodil gestand doen. Van sy algemene name dui op dié eienskappe: "hy wat hou van rowery", "hy wat eet terwyl hy paar" en "met gepunte tande".[2] Hy het ook goeie dade in meer as een bekende mite verrig.

Ná sy verbintenis met Horus en sy daaropvolgende opname in die Osiris-triad van Osiris, Isis en Horus tydens die Middelryk, is Sobek verbind met Isis as ’n heler van Osiris, wat deur sy broer, Set, vermoor is in die Osiris-mite.[3]

Vanweë dié verbintenis met heling is hy as ’n beskermende god beskou, Hy het die bose afgeweer en die onskuldiges verdedig. In die Ptolemeïese en Romeinse Egipte het die Boek van die Faijoem gesentreer om Sobek, en ’n groot deel is afgestaan aan die daaglikse reis van Sobek-Ra deur die lug. Dit fokus ook op Sobek se sentrale rol in die skepping as ’n manifestasie van Ra, want daarvolgens het hy uit die oerwaters van die Moerismeer te voorskyn gekom, ’n verhaal wat ’n groot ooreenkoms toon met die oorspronklike skeppingsmite van Hermopolis.[4]

Verwysings wysig

  1. Zecchi, 3-4.
  2. Bresciani, 199.
  3. Zecchi, 3.
  4. O’Connor

Bronne wysig

  • Bresciani, Edda. “Sobek, Lord of the Land of the Lake.” In Divine Creatures : Animal Mummies in Ancient Egypt, red. Salima Ikram, 199-206. Kaïro: The American University in Cairo Press, 2005.
  • O’Connor, David. “From Topography to Cosmos: Ancient Egypt’s Multiple Maps.” In Ancient Perspectives: Maps and Their Place in Mesopotamia, Egypt, Greece, and Rome, red. Richard J.A. Talbert, 47 – 79. Chicago: University of Chicago Press, 2012.
  • Zecchi, Marco. Sobek of Shedet : The Crocodile God in the Fayyum in the Dynastic Period. Umbria: Tau Editrice, 2010.

Eksterne skakels wysig