Solvabiliteitassessering en -bestuur
Solvabiliteitassessering en -bestuur (SAB) is 'n Suid-Afrikaanse riglyn wat beoog om 'n toesigraamwerk te skep vir die omsigtige regulering van versekeraars, d.i. om 'n oorsigomgewing in te lei wat die risiko van insolvensie by versekeraars verminder. SAB vestig spesifiek 'n bygewerkte raamwerk van kapitaalvereistes, risikobestuurstandaarde, en openbaarmakingsvereistes.[1]
SAB is gebaseer op die Europese Solvabiliteit II-riglyn en die Versekeringskernbeginsels (VKBs) soos uiteengeset deur die Internasionale Versekeraartoesighouergenootskap (IVTG; Engels: International Association of Insurance Supervisors, IAIS). SAB voldoen aan die kriteria vir Solvabiliteit II se derdelandse gelykheid, maar dit maak ook voorsiening vir die unieke benodighede van die Suid-Afrikaanse versekeringsbedryf.
Geskiedenis
wysigDie Raad op Finansiële Dienste begin in 2009 met die SAB-projek om 'n risikogebaseerde oorsigraamwerk vir die omsigtige regulering van langtermyn- en korttermynversekeraars te vestig[2] om sodoende die belange van polishouers te beskerm.[3]
Pilare
wysigSAB verdeel in drie pilare, nl.:[1]
- Pilaar 1: Markooreenkomstige waardasies
- Markooreenkomstige bates- en lastewaardasies
- Kapitaalvereistes (solvabiliteitkapitaalvereiste en markkapitaalvereiste)
- Tegniese voorsienings
- Eie fondse
- Pilaar 2: Risikobestuur en toesighouerhersiening
- Internkontroleraamwerk
- Risikobestuur
- Korporatiewe bestuur
- Eie risiko- en solvabiliteitassessering (ERSA)
- Toesighouerhersieningsproses
- Pilaar 3: Verslaggewing en markdissipline
- Solvabiliteits- en finansiële toestandverslag (SFTV)
- Gereelde toesighouerverslag (GTV)
- Kwantitatiewe verslagsjablone (KVS)
Implementering
wysigTussentydse maatreëls
wysigOp 1 Januarie 2012 het nuwe voorgeskrewe tussentydse maatreëls vir die berekening van die bates, laste, en kapitaaltoereikendheidsvereiste (KTV) in werking getree.[4] Hierdie maatreëls is in die RFD se Raadnota 169 van 2011 uiteengeset en was die eerste stap in die oorgang van die huidige KTV-regime na die risikogebaseerde metode vir die berekening van regulatoriese kapitaalvereistes wat SAB meebring.[4][5]
Suid-Afrikaanse kwantitatiewe impakstudies (SA KIS'e)
wysigDie Raad op Finansiële Dienste (RFD) het drie kwantitatiewe impakstudies (KIS'e) van stapel gestuur om noodsaaklike inligting vir die kalibrering van die standaardformule in te samel.[4] Alle versekeraars en herversekeraars wat in Suid-Afrika geregistreer is, word vereis om hul solvabiliteitkapitaalvereiste (SKV) volgens die standaardformule te bereken, tensy hulle daarvoor aansoek gedoen het om hul kapitaal deur middel van hul eie interne model te bereken.[4]
SA KIS 3
wysigKIS 3 was die finale kwantitatiewe impakstudie voor die aanvang van die parallelle uitvoerings in 2014 en moes teen April 2014 ingehandig gewees het vir soloversekeraars[6][7] en teen middel Mei 2014 vir versekeraargroepe.[7] Met KIS 3 het die RFD gevra vir bewyse dat die verslaggewende maatskappy se raad van direkteure by die inhandiging betrokke was of dat hulle hul bewustheid daarvan bevestig.[7]
Vir KIS 3 was daar geen voorgeskrewe verslagdatum nie, alhoewel die verslagdatum nie vroeër as 31 Desember 2012 mag gewees het nie.[7]
Eweredigheid
wysigDie beginsel van eweredigheid word op SAB-implementering toegepas: versekeraars mag, indien nodig, vereenvoudigings in hul kapitaalberekeninge toepas sodat die regulatoriese las van SAB nie oormatig swaar op veral klein firmas weeg nie.[3]
Parallelle uitvoering
wysig'n Ligte parallelle uitvoering word in die tweede helfte van 2014 vereis[8][6] waarby versekeraars en herversekeraars beide hul gewoonlike kwartaallikse RFD-verslae en verslae onder die nuwe SAB-regime moet inhandig.[5][3]
In 2015 word 'n omvattende parallelle uitvoering vereis waarby versekeraars en herversekeraars kwartaallikse sowel as jaarlikse verslae onder beide die RFD- en die SAB-basisse moet voltooi.[5] Ook in 2015 word 'n proefloop gehou waarvolgens versekeraars sommige inligting met betrekking tot hul eie risiko- en solvabiliteitassesserings (ERSAs) aan die RFD moet verskaf.[5][8]
Tot en met 2015 moet versekeraars kapitaal volgens die RFD-basis se kapitaaltoereikendheidsvereiste (KTV) hou; eers in 2016 begin 'n oorgangsproses om versekeraars se kapitaalbestuur in lyn met die nuwe regulatoriese kapitaalvereiste onder SAB, die sogenaamde solvabiliteitkapitaalvereiste (SKV), te bring.[5]
Verwysings
wysig- ↑ 1,0 1,1 Assessing the impact of SAM on asset managers and service providers (PDF). PwC. URL besoek op 2014-09-19.
- ↑ SAM and related legislation (Skyfvertoning). Guardrisk. URL besoek op 2014-09-19.
- ↑ 3,0 3,1 3,2 Is South Africa ready for SAM? (Webblad). Aon. URL besoek op 2014-09-19.
- ↑ 4,0 4,1 4,2 4,3 Implementation of Solvency Assessment Management - Two Years Away (Webblad). Insurance Gateway. URL besoek op 2014-09-19.
- ↑ 5,0 5,1 5,2 5,3 5,4 ""SAM - analysis of the recent FSB update letter"" (Webblad). KPMG (in Engels). Geargiveer vanaf die oorspronklike op 7 November 2015. Besoek op 19 September 2014.
- ↑ 6,0 6,1 South Africa’s insurance industry remains healthy despite the challenging environment, says PwC report. FA News. URL besoek op 2014-09-20.
- ↑ 7,0 7,1 7,2 7,3 SAM focus (PDF). KPMG. URL besoek op 2014-09-20.
- ↑ 8,0 8,1 Moving ahead to SAM readiness - SAM parallel run survey. PwC. URL besoek op 2014-09-19.
Sien ook
wysigEksterne skakels
wysig- Raad op Finansële Dienste Geargiveer 3 Augustus 2019 op Wayback Machine (en)