Sondre Lerche
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Sondre Lerche Vaular (Noorse uitspraak: [ˈsondrə ˈlærkə], * 5 September 1982 te Bergen, Noorweë) is 'n Noorse sanger, kitaarspeler en liedjieskrywer.
Sondre Lerche | |
|---|---|
 | |
| Agtergrondinligting | |
| Geboortenaam | Sondre Lerche Vaular |
| Gebore | 5 September 1982 Bergen, Noorweë |
| Beroep(e) | Musikant |
| Etikette | Virgin Records America, EMI Records Group UK & Eire, EMI Norway, Gronland, Virgin Norway, Astralwerks |
| Webwerf | sondrelerche.com |
Lerche het grootgeword met die klanke van popmusiek uit die jare tagtigs en het 'n fassinering vir groepe soos a-ha, The Beach Boys en Prefab Sprout ontwikkel, wat hom gemotiveer het om op die ouderdom van agt met formele kitaarlesse te begin. Lerche was ontevrede met die klassieke kitaarlesse en sy onderwyser het later ingegee deur hom aan Brasiliaanse musiek (soos bossa nova) bloot te stel. Hierdeur is die fondament vir Lerche se wye reeks ingewikkelde melodieë en akkoorde in sy musiek gelê. Op die ouderdom van veertien het Lerche sy eerste liedjie geskryf, getiteld "Locust Girl". Hy het akoestiese gigs (konserte) by die klub waar sy suster werksaam was, opgevoer terwyl hy nog minderjarig was. Hy is daar deur die Noorse vervaardiger H.P. Gundersen "ontdek", wat hom onder sy mentorskap geneem het en hom aan diverse musiekgenres, insluitend psigedelie, 60's-pop en hoofstroom Brasiliaanse musiek bloot gestel het, wat sy waardering vir eklektiese musiekstyle verder verbreed het. Rondom hierdie tydperk het Lerche die musiekbaas Tatiana Penzo van Oslo ontmoet — 'n ontmoeting wat tot 'n platekontrak met Virgin Norway gelei het. Sy gewildheid in sy tuisland het reëlmatig toegeneem en hy het in 2000 sy debuutalbum, Faces Down, opgeneem.
Faces Down (2002)
wysigDie snitte van Faces Down was voor die Noorse winter van 2000 al volledig geproduseer, maar die vrystellingdaarvan is uitgestel totdat Lerche die verskeie akademiese vereistes voldoen het. Hy is in die tussentyd die trofee vir Beste Nuweling by die Noorse Spellemannprisen-toekenningsfunksie toegeken en het plaaslik ter ondersteuning van groot handelinge soos Beth Orton opgetree. Die album is in September 2001 amptelik in Noorweë vrygestel en daarna geleidelik in die res van Europa. Lerche het saam met verskeie handelinge getoer en het 'n geleentheid gekry om saam met sy lewenslande idole, a-ha, in Oslo op te tree. Die album is in die Noordelike Halfrond se herfs van 2002 in Amerika vrygestel, waar hy ook sy eerste groot toer deur die Verenigde State onderneem het. Faces Down was 'n treffer in Noorweë en het die lof van kritici in beide Noorweë en die Verenigde State verwerf. Die Rolling Stone-tydskrif het die album in hul lys van top vyftig albums van 2002 geplaas.
2003-2004
wysigIn 2003 is die regstreeks-/ateljeeversameling, Don't Be Shallow EP, vrygestel. Hy het ook op 'n musiektoer met Elvis Costello gegaan, en die twee het in 2005 weer eens saam getoer.
Sondre Lerche se tweede ateljeealbum, Two Way Monologue, is ook deur Gundersen vervaardig en is in 2004 vrygestel. Rolling Stone het die album 'n goeie resensie gegee, maar het die volgende oor die lirieke te sê gehad:
Sy swakheid is sy woorde. Lerche doen duidelik baie moeite met sy liedtekste, maar die resultate is gewoonlik vaag, en in die ergste geval suggereer dit 'n onsinvertaling van wat dalk welsprekend in die sanger se moedertaal sou wees.[1]
Die album het Lerche se talent — om vele verskillende style te dek, van pop-agtige en opgewekte snitte tot meer sagte en melodieuse snitte — weerspieël.
2006-2009
wysigOp 27 Februarie 2006 is die album Duper Sessions vrygestel. Dit is 'n jazz-album wat in die Noorse herfs van 2005 met sy groep Faces Down en pianis Erik Halvorsen by Duper Studios in Bergen, Noorweë opgeneem is.
Phantom Punch is in Februarie 2007 uitgereik en is 'n rockalbum met 'n aggressiewer klank as sy vorige werk. Lerche en Faces Down het die album in April en Mei 2006 in Los Angeles saam met vervaardiger Tony Hoffer opgeneem.
Sonder Lerche het ook die klankbaan tot die rolprent Dan in Real Life gekomponeer. Hy gaan voort met opvoerings en komponering en het Heartbeat Radio in 2009 tot kritiese lof vrygestel.
Diskografie
wysigAlbums
wysig- Faces Down (September 2001, Oktober 2002 VSA)
- Two Way Monologue (Maart 2004)
- Duper Sessions (Februarie 2006)
- Phantom Punch (Februarie 2007)
- Dan in Real Life (Oktober 2007, klankbaan)
- Heartbeat Radio (September 2009)
Enkelspelers en EP's
wysig- You Know So Well EP (2001 Noorweë)
- No One's Gonna Come EP (2001 Noorweë)
- Sleep on Needles EP (2001 Noorweë, 2002 Frankryk, Spanje en VK)
- Dead Passengers EP (2002 VK)
- Don't Be Shallow EP (2003 VSA)
- Two Way Monologue EP (2005 VK)
- Say It All/Europa and the Pirate Twins (2007 VSA)
- Polaroid Pool Party EP (2008, somertoer alleenlik)
- Polaroid Pumpkin Party EP (2008)
Verwysings
wysig- ↑ Walters, Barry (March 18, 2004). "Sondre Lerche: Two Way Monologue"[dooie skakel]. Rolling Stone 944. Opgeroep op 2006-08-26.
Eksterne skakels
wysig- Amptelike webwerf (en)
- MusicBrainz-profiel (en)
- YouTube-profiel (en)
