Sophia Adriana de Bruijn
Sophia Adriana de Bruijn of Sophia Adriana Lopez Suasso-de Bruyn (1816 – 1890) was 'n Nederlandse museumstigter in Amsterdam.
Sophia Adriana de Bruijn | |
|---|---|
.jpg) Portret deur Thérèse Schwartze | |
| Gebore | 21 Januarie 1816 |
| Sterf | 4 Maart 1890 |
| Nasionaliteit | Hollands |
Sophia is in Amsterdam gebore as die dogter van 'n welgestelde Katolieke familie. Sy het dit geniet om te reis en om oudhede, skilderye, juweliersware en interessante objekte te versamel. Sy tree relatief laat in haar lewe (in 1860) in Engeland met die Nederlandse edelman jonkheer Augustus Pieter Lopez Suasso (1804-1877) in die huwelik. Haar man was 'n lid van die Portugees-Joodse gemeenskap in Amsterdam en hy het hom tot Katolisisme bekeer om met haar te kon trou. Die egpaar was sonder kinders en het heelwat van hulle tyd spandeer om te reis. Sophia kon dus voortgaan met haar versamelings. Sy het in miniatuur silwerware gespesialiseer en dit in groot kaste, wat op bestelling gemaak is, in haar huis gehou, wat sy dan vir vriende en familie oopgemaak het. Die versameling het na berig word 360 juweliersware-items, miniatuurbokse en horlosies bevat. Nadat haar man in 1877 oorlede is, het sy voortgegaan om te versamel. Sy het elke aankoop noukeurig gedokumenteer. In een van haar boekies tussen notas oor die koste van wasgoed en botter word daar byvoorbeeld melding gemaak van 'n borsspeld en oorringstel van tier-tande. [1]
In haar testament het sy haar fortuin aan die Stad Amsterdam nagelaat en bepaal dat 'n museum in haar naam gestig moet word wat met haar versameling sal spog en een gulde toegangsfooi sou kos. Die museum is die Suasso-museum genoem en is op 14 September 1895 geopen in wat tans deel is van die Stedelijk Museum. Slegs vier kamers is egter aan haar versameling toegewy en die res is gebruik om geredde interieurs van vorige Amsterdam-sloopwerk, en moderne kuns uit te stal, wat nie in die Rijksmuseum gepas het nie, soos byvoorbeeld sekere Van Gogh -skilderye.[2] In 1941 is die toegangsfooi kwytgeskeld aangesien dit as te duur beskou is.
Bruijn is in Amsterdam oorlede. Alhoewel sy nog gelewe het toe daar aan die museum begin is, het die kurator van die Stedelijk Museum kort na haar dood aangedui dat haar versameling nie sy museum waardig is nie, en het hy die versameling drasties begin verklein om plek te maak vir moderne kuns. [3]
Verwysings wysig
- ↑ article about a show of miniature pieces from the collection in 2000 in the Volkskrant, 27 september 2000
- ↑ Four interior rooms from demolished Amsterdam patrician mansions formerly on show at what is now the Stedelijk Museum
- ↑ october 2012 - The Forgotten Founder of the Stedelijk Museum on the "Ons Amsterdam" website (Dutch)