Sopwith Driedekker

Britse driedekker vegvliegtuig

Die Sopwith Driedekker is 'n Britse trippeldekker vegvliegtuig wat tydens die Eerste Wêreldoorlog diens gedoen het. Dit was ook die eerste driedekker vliegtuig. Hierdie vliegtuig is ontwikkel met twee doelwitte: klimvermoë en beweegbaarheid. Dit ontwerp was ietwat van 'n waagstuk, die romp van die Sopwith Pup is gebruik, toegerus met 'n kragtiger motor en die ekstra vlerk bygevoeg.

Sopwith Driedekker
Reproduksie van die Driedekker G-BOCK te Old Warden, 2013
Tipe Vegvliegtuig
Vervaardiger Sopwith Aviation Company
Ontwerp deur Herbert Smith
Nooiensvlug 28 Mei 1916
Hoofgebruiker Britse Lugmag
Aantal gebou 147

Die Driedekker was nie meer beweegliker as die Pup nie maar kon vinniger klim as enige vliegtuig op daardie stadium. Na sy nooiensvlug op 28 Mei 1916 is die vliegtuig onmiddellik na die front gestuur vir luggevegtoetsing. Binne 15 minute nadat dit die front bereik het, is die vliegtuig opgestuur om 'n Duitse vliegtuig aan te val. Waarnemers was verstom oor die vliegtuig se klimvermoë: dit het 3 660 m binne 13 minute bereik.

Produksie is onmiddellik begin en die Lugarm van die Britse Vloot het die vliegtuig met groot sukses gebruik vanaf Februarie tot Julie 1917. Die Kanadese B-vlug van 10 Eskader het 87 oorwinnings in 12 weke met die Driedekker behaal.

Duitse vlieëniers het die vliegtuig opsetlik vermy. Die Duitse Ministerie het 'n prys uitgeloof vir enige persoon wat 'n vliegtuig kan ontwerp met die vermoë van die Driedekker. Anthony Fokker het begin om so 'n vliegtuig te ontwerp maar nadat 'n Driedekker in sy hande geval het, het hy dit gebruik as basis. Die gevolg was die Fokker Dr.I.

Tegniese besonderhede wysig

Besonderhede van die Sopwith Driedekker:
Item Statistiek
Aantal motors 1
Tipe motor Skroef
Vervaardiger Clerget suiermotor
Kraglewering per motor 130 perdekrag
Vlerkspan 8,08 m
Lengte 5,74 m
Hoogte 3,2 m
Vlerkoppervlakte 21,46 m2
Maksimum opstygmassa 699 kg
Maksimum snelheid 188 km/h
Operasionele hoogte 6 250 m
Uithouvermoë 2 uur en 45 minute
Klimvermoë 366 m per minuut
Bewapening Een of twee gesinchroniseerde 7,7 mm masjiengewere

Sien ook wysig

Bron wysig