Wikipedia

SpX-DM2

bemande demonstrasievlug wat deur SpaceX namens NASA bedryf word

SpX-DM2 of SpaceX Demo-2 (kort vir SpaceX Demonstration Mission 2)[1][2] was SpaceX se tweede orbitale toetsvlug en eerste bemande toetsvlug met ’n Crew Dragon-ruimtetuig.[3] Dit sou op 27 Mei 2020 om 22:33:33 na die Internasionale Ruimtestasie gelanseer word, maar die lansering is minder as 17 minute voor die tyd afgelas weens gure weer.[4] Dit is met die tweede probeerslag, op Saterdag 30 Mei om 19:22:45 UTC, gelanseer. Demo-2 was die eerste bemande ruimtevlug wat in Amerika gelanseer is sedert die laaste Pendeltuigsending in 2011, waarvan Douglas G. Hurley die vlieënier was. Hurley was die bevelvoerder van Crew Dragon Demo-2; saam met hom op die vlug was Robert L. Behnken. Crew Dragon Demo-2 was ook die eerste orbitale ruimtetuig met twee persone wat sedert 1982 in Amerika gelanseer is.

Crew Dragon Demo-2
Die Demo-2-kapsule
Die Demo-2-kapsule
 Die Demo-2-kenteken
Die Demo-2-kenteken
Soort sending Bemande vlug na IRS
Operateur Nasa
SpaceX
Duur 65 dae (63 dae, 8 h 45 min gedok)
Ruimtetuig Crew Dragon C206
Vervaardiger SpaceX
Bemanning Douglas G. Hurley
Robert L. Behnken
Lanseerdatum 30 Mei 2020, 19:22:45 UTC
Landingsdatum 2 Augustus 2020, 18:48:06 UTC
Landingsplek Golf van Meksiko

Bemanning

wysig
 
Behnken (links) en Hurley.

Op 3 Augustus 2018 is aangekondig dat Douglas Hurley en Robert Behnken die primêre bemanningslede sal wees.[5] Albei ruimtevaarders is veterane van die Pendeltuig-program en die Demo-2-vlug was albei se derde besoek aan die ruimte.

Hulle was gerugsteun deur Michael S. Hopkins en Victor J. Glover.[6]

Sending

wysig

Met die Crew Dragon Demo-2-sending is die geskiktheid van SpaceX-hardeware vir bemande ruimtevlugte finaal bevestig,[7] asook van die Crew Dragon-ruimtetuig, die Falcon 9-vuurpyl, die lanseringsblad en SpaceX se vermoëns. Die sending het die toets van Crew Dragon se vermoëns in ’n wentelbaan deur die ruimtevaarders ingesluit.[8]

Die Crew Dragon-kapsule is op 30 Mei 2020 met ’n Falcon 9-vuurpyl van die Kennedy-ruimtesentrum se lanseringskompleks 39A gelanseer en het op 31 Mei om 14:27 UTC aan die IRS gekoppel.[9][10] Hurley en Behnken het 63 dae lank saam met die bemanningslede van Ekspedisie 63 gewerk, voordat hulle weer in die kapsule geklim en Crew Dragon ontkoppel het..[11]

Die koppelings- en ontkoppelingsoperasie is outomaties deur die Crew Dragon-ruimtetuig beheer, maar die bemanningslede het dit gemonitor vir geval dit nodig was om in te gryp.[12] Ná die ontkoppeling was die bemanningslede binne 24 uur terug in die aarde se atmosfeer en die kapsule het om 18:48:06 UTC op 2 Augustus 2020 met valskerms in die Atlantiese Oseaan geland.[13]

Verwysings

wysig
  1. ↑ Mclendon, Tori (23 Mei 2020). "NASA's SpaceX Demo-2 Astronauts Rehearse for Launch Day". Nasa (in Engels). Geargiveer vanaf die oorspronklike op 26 Mei 2020. Besoek op 26 Mei 2020.
  2. ↑ Cawley, James (25 Mei 2020). "NASA's SpaceX Demo-2 "Go" for Liftoff Wednesday After Today's Launch Readiness Review". Nasa (in Engels). Geargiveer vanaf die oorspronklike op 26 Mei 2020. Besoek op 26 Mei 2020.
  3. ↑ "Upcoming Missions". spacexnow.com (in Engels). Geargiveer vanaf die oorspronklike op 26 April 2020.
  4. ↑ "NASA Live: Official Stream of NASA TV" (in Engels). Geargiveer vanaf die oorspronklike op 27 Mei 2020.
  5. ↑ Lewis, Marie (3 Augustus 2018). "Meet the Astronauts Flying SpaceX's Demo-2". Besoek op 3 Augustus 2018.
  6. ↑ NASA Commercial Crew [@Commercial_Crew] (11 April 2019). "These four @NASA_Astronauts are training to fly on @SpaceX's #CrewDragon spacecraft – as the crew and backup crew. How have our astronauts been preparing for flight on @BoeingSpace and SpaceX's spacecraft" (Tweet) – via Twitter.
  7. ↑ Etherington, Darrell (1 Mei 2020). "SpaceX and NASA break down what their historic first astronaut mission will look like". TechCrunch. Besoek op 3 Mei 2020.
  8. ↑ Clark, Stephen (17 April 2020). "NASA, SpaceX set May 27 as target date for first crew launch". Spaceflight Now. Pole Star Publications Ltd. Besoek op 22 April 2020.
  9. ↑ "Upcoming Spaceflight Events". nextspaceflight.com. Besoek op 1 Mei 2020.
  10. ↑ Potter, Sean (20 April 2020). "NASA to Host Preview Briefings for First Crew Launch with SpaceX". Nasa. Besoek op 30 April 2020.
  11. ↑ Stimac, Valerie. "NASA Announces First Astronaut Test Flight Date Aboard SpaceX Crew Dragon". Forbes. Besoek op 1 Mei 2020.
  12. ↑ "NASA DM-2". Geargiveer vanaf die oorspronklike op 24 April 2020.
  13. ↑ "SpaceX Crew Dragon Demo-2 Key Launch Information". Launch360. Geargiveer vanaf die oorspronklike op 28 Mei 2020. Besoek op 30 April 2020.

Skakels

wysig
Ontsluit van "https://af.wikipedia.org/w/index.php?title=SpX-DM2&oldid=2506498"