Spasiefout
'n Spasiefout by kontinentale Germaanse tale verwys na die verskynsel waar woorde wat deel is van 'n samestelling los van mekaar geskryf word (met 'n spasie tussenin), terwyl die spelreëls voorskryf dat hul vas of met 'n koppelteken geskryf moet word. Dit kom veral voor by samestellings wat uit lang woorddele bestaan, of waarvan een van die woorddele 'n eienaam of handelsnaam is.
Sportskompleks* (sportkompleks), sportscomplex* (sports complex)
drank gebruik* (drankgebruik) en rommel strooi* (rommelstrooi).
Volgens die Afrikaanse woordelys en spelreëls word spasiefoute in Afrikaans gewoonlik gemaak weens voortdurende kontak met Engels, waar die los of vas skryf in baie gevalle nie so konsekwent soos in Afrikaans is nie.
Voorbeelde
wysig| Spasiefout | Regte spelling |
|---|---|
| Drank gebruik | Drankgebruik |
| Hoë spoed trein | Hoëspoedtrein |
| Hoop Straat | Hoopstraat |
| IBM rekenaar | IBM-rekenaar |
| Rommel strooi | Rommelstrooi |
| Spasie fout | Spasiefout |
| Sport kompleks | Sportkompleks |
| Web bladsy | Webbladsy |
Bron
wysig- Afrikaanse woordelys en spelreëls, 10de uitgawe. bl. 112-113
