Birmingham: Verskil tussen weergawes
Content deleted Content added
kNo edit summary |
kNo edit summary |
||
Lyn 33:
'''Birmingham''' is 'n stad en 'n metropolitaanse gebied (''borough'') in die West Midlands, [[Engeland]]. Birmingham is die tweede grootste stad in die [[Verenigde Koninkryk]] en staan histories bekend as die bakermat van die [[Industriële Rewolusie]] in [[Groot-Brittanje]].
Die stad is in die verlede ook die "wêreld se werkwinkel" en "die stad van 'n duisend ambagte" genoem. Birmingham het van 'n onbenullige nedersetting, waarvan die waarde in [[Willem die Veroweraar]] se ''[[Domesday Book]]'' van [[1086]] op slegs £1 beraam is, tot die tweede belangrikste stad in die [[Britse Ryk]] met 'n bevolking van meer as een miljoen gegroei. Die merkwaardige ekonomiese ontwikkeling het in [[1154]] begin toe aan Peter de Birmingham se klein nedersetting die status van markdorp toegeken is. Die sentrale markplein, die driehoekige Bull Ring, met die St. Martins-parogiekerk in sy middel, het vervolgens tot 'n beduidende handelsplek ontwikkel.
In die [[18de eeu]] het Birmingham reeds by Coventry verbygesteek om die grootste nedersetting in Warwickshire te word. Dit was mans soos [[James Watt]], Matthew Boulton, Joseph Priestley en William Murdock wat van Birmingham die bakermat van die [[nywerheidsomwenteling]] sou maak. Plaaslik vervaardigde goedere is na alle wêrelddele uitgevoer.
In die middel van die [[19de eeu]] het Birmingham nog eens 'n baanbrekersrol in 'n verskeidenheid velde soos politieke hervorming, opvoeding en munisipale administrasie gespeel.
Die huidige ''City of Birmingham'' het 'n bevolking van 992 400 (volgens 'n skatting uit die jaar 2004). Die stad maak deel uit van die metropolitaanse gebied West Midlands met 2 284 093 inwoners (volgens die sensus van 2001) en sluit 'n aantal stede van die omgewing soos Solihull en Wolverhampton en die stede van die Black Country in.
| |||