Bakoe: Verskil tussen weergawes

|}

 

 

Met 'n oppervlakte van 2 130 km² en 'n bevolking van meer as twee miljoen in 2011 is Bakoe die grootste stad in Azerbeidjan en die hele [[Kaukasus|Kaukasus-gebied]]. Met 'n verskeidenheid universiteite en ander tersiêre onderwysinstellings, navorsingsinstitute, teaters en museums fungeer die stad as die opvoedkundige en kulturele sentrum van Azerbeidjan.

 

== Geografie en stadsbeeld ==

Bakoe is sowat 28 meter benede seevlak aan die weskus van die Kaspiese See en in die suide van die Abşeron-skiereiland geleë.

Die landskap van sy omgewing word oorheers deur 'n aantal moddervulkane (waaronder Keyraki, Bogkh-bogkha en Lokbatan) en soutmere soos byvoorbeeld Boyukshor (die tweede grootste in die land met 'n oppervlakte van tien km²) en Khodasan. Die heuwellandskappe ten weste en gedeeltelik ten ooste van die stadsgebied bereik hoogtes van tot by 200 meter bo seevlak.

 

== Klimaat ==

Bakoe het 'n gematigde halfdroë steppeklimaat volgens Köppen en Geiger se effektiewe klimaatklassifikasie (afkorting: BSk)<ref>[http://www.klimadiagramme.de/Asien/baku.html ''www.klimadiagramme.de: Das Klima in Baku'']</ref>, met warm en droë somers en koue winters wat soms nat kan wees. Sterk winde waai dwarsdeur die jaar. In teenstelling met ander stede in vergelykbare klimaatsones is somertemperature eerder gematig danksy die ligging op 'n skiereiland en die invloed van die Kaspiese See. Die jaarlikse gemiddeld in Bakoe is 14,2&nbsp;°C.

 

Die daaglikse gemiddeld in Julie en Augustus is 26,4&nbsp;°C. Die heersende ''khazri''-wind het 'n matigende invloed. In die koue winters met 'n gemiddeld van 4,3&nbsp;°C word die khazri-wind deur lugmassa's van polêre oorsprong versterk en as baie onaangenaam ervaar. Temperature kan in die kusgebiede benede vriespunt daal. Sneeuvalle en selfs sneeustorms kom voor, maar gewoonlik vou 'n sneeulaag net enkele dae lank oor die stadsgebied.

 

{{Verwysings}}

 

== Eksterne skakels ==

 

{{Hoofstede in Asië}}

[[Kategorie:Hoofstede in Asië]]

[[Kategorie:Hoofstede in Europa]]

 

[[ace:Baku]]