In 1843 is die [[KliprivierrepubliekRepubliek van Kliprivier]] deur [[Engeland]] geannekseer. Sowat twee-derdes van die Natalse Voortrekkers het toe na die latere Vrystaat en Transvaal getrek. Van die orige een-derde het drie, te wete A. T. Spies, J. C. Klopper en C. J. van Rooyen agtergebly en grond, oos van die [[Buffelsrivier]], vir 300 beeste van [[Mpande kaSenzangakhona|Mpande]] in 1852 verruil. Die transaksie het maklik verloop, aangesien van Rooyen, wat vlot [[Zoeloe]] kon praat, op 'n baie goeie voet met die Zoeloe-koning verkeer het. (Van Rooyen het per geleentheid vroeër vir Mpande as koning gesalf). Van Rooyen het voor 1852 reeds van Mpande toestemming gehad om die grond ten ooste van die Buffelsrivier as weiding te gebruik.
Die grootste gedeelte van Noordwes-Natal is deur [[Shaka]] gebuit voor ongeveer 1820 toe hy die Hlubi's, aldaar verdryf het, en die genoemde gebied dus Zoeloe-eiendom geword het, maar hulle self nie daar gaan vestig het nie.
