Jules Porgès: Verskil tussen weergawes

 

Porgès is as Yehuda Porges in Wene gebore en in Praag, waar sy pa as juwelier werksaam was, grootgemaak. Porgès het hom in die vroeë 1860's in Parys gevestig en hom met sy onderneming ''Jules Porgès & Co.'' as diamantehandelaar bekwaam.

Porgès het al vroeg die belangrikheid van Suid-Afrika se diamantvelde besef en in [[1873]] twee van sy jonger personeellede, [[Alfred Beit]] en Julius Wernher, as verteenwoordigers van sy onderneming na Suid-Afrika gestuur. Hy het self in [[1876]] in [[Kimberley]] aangekom en hul werk voortgesit deur die konsolidasie van kleims, die finansiering van transaksies en die bemarking van stene waardeur sy onderneming ''Compagnie Française de Diamant du Cap de Bonne Espérance'' 'n noemenswaardige aandeel aan die Kimberley-myn verkry het.