Anton Anreith: Verskil tussen weergawes

'''Anton Anreith''' ([[1754]] - [[1822]]) was 'n Duitsgebore beeldhouer en een van die eerste belangrike beeldhouers wat in [[Suid-Afrika]] werksaam was. Sy houtsnee- en beeldhouwerke word vandag onder Suid-Afrika se kosbaarste kultuurbesittings gereken en toon kenmerkende sierlike lyne uit die barokstyl.

Anreith is in [[Duitsland]] gebore en het daar in Freiburg in kuns gestudeer. Hy was ook in diens van die [[V.O.C.|Verenigde Oos-Indiese Kompanjie]] en is in sy hoedanigheid as soldaat van die VOC in 1777 na die Kaap gestuur. In Suid-Afrika het hy egter sy kunsloopbaan hervat en as skrynwerker begin werk. Van sy eerste opdragte was vir die Lutherse Kerk in [[Kaapstad]], waar hy die houtsnywerk aan die preekstoel, orrelraam en koorlessenaar gedoen het. Die werke het aandag getrek en in 1786 is hy as die VOC se amptelike beeldhouer aangestel.

In diens van die V.O.C. het hy ook verskeie beeldhouwerke vir die [[Kasteel de Goede Hoop]] geskep en nou saamgewerk met die beroemde argitek [[Louis Thibault]] (Anreith het die versieringswerk aangebring aan geboue wat deur Thibault ontwerp is). Van sy ander werke sluit in die gewel by die Cloete-wynkelder by [[Groot Constantia]] en die preekstoel van die [[NG gemeente Kaapstad|Groote Kerk]] in [[Kaapstad]].