Chamonix-Mont-Blanc: Verskil tussen weergawes

In die [[12de eeu]] het die monnike hulle in Chamonix gevestig en die priory op die perseel van die huidige ''Maison de la Montagne'' gestig. Nog in dieselfde eeu is die eerste kerk gebou. Die vroegste munisipale wetgewing (''franchise'') dateer van 1292. Die monnike het die Chamonixvallei eeue lank geadministreer, alhoewel die Chamoniards se onafhanklikheidsstrewe dit baie moeilik gemaak en tot 'n aantal rebellies gelei het. As gevolg van 'n langdurige koueperiode ('n sogenaamde klein ystydperk) is enkele gehugte in die gebied in die 17de en 18de eeu deur hul bewoners ontruim.

[[Lêer:Mer de Glace 1900.jpg|thumb|links|Vroeë toeriste omstreeks 1900 op die Mer de Glace-gletser. Die ''Hôtel de Montenvers'' in die agtergrond dateer van 1879]]

Op [[21 Junie]] [[1741]] het die Britte Windham en Pocock, wat as die eerste moderne reisigers beskou word, Chamonix as 'n reisbestemming ontdek. Die Chamonixvallei was toe nog 'n baie afgeleë gebied wat veral op landbou gesteun het. Handel is hoofsaaklik met aangrensende gebiede gedryf; so is onder meer wyn na Wallis (Valais) in [[Switserland]] uitgevoer. Die Britte se geesdriftige berig oor hulle besoek aan die gletser Mer de Glace is in [[Londen]] gepubliseer en het vervolgens in 'n aantal literêre tydskrifte in Europa verskyn. Die reisjoernaal het toere na die Alpegletsers gou gewild gemaak.

 

Desondanks het die ruwe bergwêreld nog steeds baie gevare ingehou. Die gletsers het destyds nog tot by die laer geleë gebiede gestrek en 'n gedeelte van die landbougrond bedek, terwyl die onberekenbare berge weens die lawines en rottstortings 'n konstante bedreiging vir die bewoners van die vallei was. Slegs 'n klein aantal jagters en versamelaars van kristalle het die bergwêreld aangedurf.

Die belangstelling van die geleerdes en navorsers van die [[18de eeu|18de]] en [[19de eeu]] het 'n nuwe tydperk vir die vallei ingelui. In [[1760]] het die Geneefse natuurkundige Horace-Bénédict de Saussure 'n reis na Chamonix onderneem en die Brévent beklim, van waar hy ook die Mont Blanc ontdek het. Hierdie ontdekking het hom nog meer aangespoor om meer oor daardie bergspits te wete te kom, waarop tot dusver nog deur geen mens betree is nie. De Saussure het 'n groot beloning aan die eerste mens uitgeloof wat vir hom 'n pad na die Mont Blanc-bergspits sou wys. Hy was veral van voorneme om bo-op die berg 'n aantal natuurwetenskaplike eksperimente uit te voer.