S.P.E. Trichard: Verskil tussen weergawes

'''Stephanus Petrus Erasmus Trichard'''<ref>O.J.O. Ferreira gee sy voorname aan as S. P. Elardus</ref> (23 Januarie 1847, [[Ohrigstad]]<ref name = rootsweb>[http://wc.rootsweb.ancestry.com/cgi-bin/igm.cgi?op=GET&db=erasmussa&id=I9585 Erasmus Register et al]</ref> – Oktober 1907, Kenia)<ref name = Beeld>{{citation | last = | first = | title = Vandag - in die ou dae | pages = | newspaper = Beeld | location = Johannesburg | date = 23 Januarie 1986 | url = }}</ref> was die seun van [[Carolus Tregardt]], en die kleinseun van [[Louis Tregardt]]. Hy het aan die meeste veldtogte teen opstandige swart stamme in die [[Zuid-Afrikaansche Republiek|ZAR]] deelgeneem, asook aan die bestorming van [[Slag van Majuba|Amajuba]]<ref name = rootsweb/> in die [[Eerste Vryheidsoorlog]] en die afweer van die [[Jameson-inval]]. Na sy deelname aan die [[Tweede Vryheidsoorlog]] het hy aan 'n georganiseerde emigrasie na oos-Afrika deelgeneem, waar hy oorlede is.

 

As jong man het hy deelgeneem aan die ZAR se kampanjes teen Mapog, die Swazies en Sekoekoenie.<ref name=JP>{{cite journal |last=Ploeger |first=Dr. Jan |title=Geschiedenis, werken en streven van S.P.E. Trichard (boekbespreking) |journal=Scientia Militaria, South African Journal of Military Studies |year=1976 |volume=6 |issue=3 | url=http://scientiamilitaria.journals.ac.za |accessdate=15 December 2012}}</ref> Tydens die [[Paardekraal-volksvergadering|volksvergadering te Paardekraal]] word hy verkies tot veldkornet van [[Middelburg, Mpumalanga|Middelburg]] en die wyk Olifantsrivier, en neem kort daarop deel aan die krygsverrigtinge by [[Slag van Bronkhorstspruit|Bronkhorstspruit]] en [[Slag van Majuba|Majoeba]].<ref name=JP/> Hy was aanvanklik kommandant in [[Middelburg, Mpumalanga|Middelburg]], waartydens hy 'n daadwerklike rol vervul tydens militere ekspedisies teen Mapog (1883-1884), Malabog, Modjadjie en Magoeba (1894-1895).<ref name=JP/>

 

Kort nadat Trichard en die Middelburgse kommando 'n belangrike bydrae lewer tot die bekamping van [[Leander Starr Jameson|dr. L.S. Jameson]] en sy [[Jameson-inval|medeinvallers]] (1896), word hy in 1897 bevorder tot bevelvoerder van die Staatsartillerie. Die pos was vakant na die dood van Lt-kol. Henning P.N. Pretorius (1844-1897), en Trichard se aanstelling was nie onbestrede onder die offisiere van die Staatsartillerie nie. In dieselfde jaar onderneem die Staatsartillerie die Swaziland-ekspedisie en in 1898 word teen Magato opgetree.<ref name=JP/> Die staatsartillerie is reeds beskou as 'n hegte keurkorps danksy sy voorganger,<ref name=JP/> maar onder Trichard sou dit gemoderniseer en uitbrei word.

 

Lt-kol. Trichard en [[Piet Joubert|genl. P.J. Joubert]] was gekant teen die fortebou om Pretoria, en Trichard het in aanloop tot die Tweede Vryheidsoorlog 'n meer toegeeflike beleid jeens Engeland bepleit.<ref name=JP/> Tydens die [[Tweede Vryheidsoorlog]] veg hy aan die Natalse front, waar hy by [[Dundee]] en [[Ladysmith]] betrokke was. Daarna het hy met die boere teruggeval na die Oranje-Vrystaat, en was betrokke by die konflikte te [[Brandfort]] en later Donkerhoek in die ZAR.

 

As voorheen welgestelde boer van die Middelburgdistrik het kolonel Trichard 'n eis vir skadevergoeding ingedien na [[Verdrag van Vereeniging|vredesluiting]]. Die £300 wat hom aangebied is het hy egter voor die amptenaar se voete gegooi.<ref name = Boere>{{cite book | last = Du Toit | first = Brian M. | authorlink = | title = The Boers in East Africa: Ethnicity and Identity | publisher = | volume = | edition = | location = | date = 1998 | pages = bladsye 41-44, 180 | isbn = 978-0897896115 }}</ref> Sy ervarings tydens die Tweede Vryheidsoorlog het hy in sowat 110 bladsye geboekstaaf.<ref name=JP/><ref name=Fer>{{Citation |last= Ferreira |first= O.J.O. |year= 12-1975 |chapter= |title= Geschiedenis, Werken En Streven Van SPE Trichard, Luitenant Kolonel Der Vroegere Staats-artillerie ZAR Door Hemzelve Beschreven |publisher= RGN-drukkery |location= Pretoria |isbn= 978-0-86965-240-4}}</ref>

 

Kolonel Trichard se seun Karel (C.J.) het nou die moontlikheid oorweeg van emigrasie na [[Madagaskar]], 'n gebied wat jare tevore deur sy oupa Carolus verken is. Die Trichards is op 7 Januarie 1903 onder 'n groep [[bittereinders]] wat 'n beplanningsvergadering in [[Ermelo, Mpumalanga|Ermelo]] bywoon. Die sestal mans wat hier afgevaardig is vir 'n ''Landsoekersekspedisie'' om Duits-Oos-Afrika te eksploreer vir vestiging, het voorlopig die Trichards uitgesluit. Kolonel Trichard voeg hom wel by die twaalftal van die Grootkommissie, onder leierskap van Piet C. Joubert, wat in Mei 1904 uit [[Lourenco Marques]] vertrek.<ref name = Boere/> Op Trichard se aandrang besoek hulle Madagaskar, wat ook deur die [[Deneys Reitz|Reitz]]-broers en [[Manie Maritz|generaal Maritz]] as 'n bestemming ondersoek is. Hulle doen aan by Tamatawe en [[Antananarivo|Tananariwe]], en word ontvang deur die goewerneur, generaal Gallieni, wat hulle magtig om 'n feitereis te onderneem. Na verkenning van die ooskus besluit hulle teen vestiging om drie redes, naamlik die amptelike status van die Katolieke kerk, endemiese malaria en die sterk oosterse invloede.

 

Van Madagaskar reis hulle na [[Dar es Salaam]], waar hulle die onderhandelinge van 1903 hernu. Hulle ontvang toestemming om die omgewing van Meroeberg te besigtig, en keer weldra na Transvaal terug, waar hulle planne teen Julie 1904 afgerond word. In 1905 vertrek Trichard en sy seun Karel saam met die Piet Joubert-trek na Duits-Oos-Afrika.<ref name = Boere/> Hy vestig hom uiteindelik by Nakoeroe in [[Kenia]], maar sterf daar tydens 'n jagtog in Oktober 1907.<ref name = Beeld/>

 

 

{{DEFAULTSORT:Trichard, Stephanus}}