NG gemeente Bothasrus: Verskil tussen weergawes

 

Die '''NG gemeente Bothasrus''' is die moedergemeente van die [[Nederduitse Gereformeerde Kerk]] op die [[Oos-Kaap]]se nywerheidsdorp [[Despatch]].

Despatch het ontstaan rondom die steenmakery wat op die plek opgerig is. Van hier is dit "despatch" na ander plekke; vandaar die dorp se naam. 'n Dorpsbestuur is in 1941 aangestel, waarna die dorpie in 1945 munisipale status verkry het. Die gemeente is in die jaar 1941 van die steeds groeiende [[NG gemeente Uitenhage|moedergemeente Uitenhage]] afgestig as die eerste gemeente van die [[Nederduitse Gereformeerde Kerk]] op die dorp. Dit was een van 'n hele agt gemeentes wat in daardie jaar in die destydse Kaapse Kerk gestig is, vergeleke met twee in die Natalse Kerk en drie in die Transvaalse Kerk. Later sou op Despatch ook nog die gemeentes Retief, Despatch-Dagbreek, Despatch-Eendrag, Despatch-Noord en Despatch-Suid volg.

 

 

== Voorgeskiedenis ==

 

== Die bou van die kerk ==

 

Op die derde vergadering van die Boukommissie, gehou op 30 November 1945, het die Boukommissie die voorlopige plan van mnr. Vermooten aanvaar en besluit om die Kerkkantoor te nader vir ‘n lening van £15 000. Op 23 Februarie 1946, met die vyfde vergadering van die Boukommissie, is die goeie nuus ontvang dat die boukontrakteur ‘n permit sal uitreik vir die bou van die kerk. Dit was goeie nuus aangesien die Tweede Wêreldoorlog slegs ‘n jaar tevore geëindig het , en boumateriaal skaars was. Verder het die Boukommissie ook verneem dat die Kerkkantoor die lening sou toestaan teen ‘n rentekoers van 4%, asook dat die Armsorgkommissie ‘n donasie van £200 geskenk het as bydrae tot die rentedelging. Op 30 April is ‘n spesiale vergadering gehou waarop daar besluit is dat tenders vir die werk uitgestuur moet word.

== Vroeë jare ==

[[Beeld:Ds JL Nel.jpg|duimnael|regs|160px|Ds. J.L. Nel het in 1948 van die [[NG gemeente Murraysburg]] af gekom as Bothasrus se tweede leraar. In sy meer as 30 jaar lange het hy in ses verskillende Oos-Kaapse gemeentes gestaan.]]

 

Aanvanklik het Bothasrus die hele dorpsgebied beslaan, met enkele huisgesinne aan die oostelike en suidelike grense. Die gemeente dra die naam van die skenker van die grond waarop die kerkgebou en saal staan, P.B. Botha. By die afstigting was die ledetal ongeveer 600. Dit het binne tien jaar aangegroei tot 1 500, met 'n sieletal van 2 800. Die gemeente, soos trouens die dorp Despatch, het destyds grotendeels uit mense bestaan wat in [[Port Elizabeth]] en op [[Uitenhage]] gewerk het en wat hier 'n rustiger en gesonder verblyf as wat die stede bied, vir hulle huisgesin kom stig het.

 

 

In 1948 is ds. en mev. L.M. Celliers, nadat hulle 'n beroep na Meyerton aangeneem het, deur ds. en mev. J.L. Nel van die [[NG gemeente Murraysburg]] opgevolg. Die jong gemeente is gekenmerk deur 'n lewendige ondernemingsgees en pragtige samewerking. Hy lewer 'n akker vir die saad van die Woord van God wat baie ontvanklik is en steeds verblydende vrugte dra. Die gemeente was destyds geseën met 'n groot aantal kinders.

Groot gesinne op Despatch was die norm gewees vir die jare 1941 tot 1962. Dit was die norm gewees vir 'n gesin om vyf of ses kinders te hê en gesinne wat uit agt kinders bestaan het, was nie skaars nie. Gevolglik het die Sondagskool en die ander jeugbedieninge nooit ’n tekort aan lede gehad nie. Teen 1944 moes die gemeente reeds nagenoeg 500 kinders bedien. Alhoewel ’n saal vir die doel gebruik was, was dit nie heeltemal geskik nie aangesien van die klassies in die kombuis van die saal moes vergader en ander moes selfs in die buitelug hulle godsdiensonderrig ontvang. Teen 1962 het die ledetal van die Sondagskool gegroei tot 945 en het hulle gebruik gemaak van die kerkgebou, die kerksaal, die Ebenhaeser-saal (voor die afstigting van Eendrag-gemeente) en klaskamers van die Laerskool Susannah Fourie.

 

 

== Afstigtings ==

 

== Volledige lys leraars ==

 

== Bronne ==

 

{{DEFAULTSORT:Bothasrus, NG gemeente}}

[[Kategorie:Nederduitse Gereformeerde Kerk]]

[[Kategorie:Oos-Kaap]]