Simone de Beauvoir: Verskil tussen weergawes

| naam = Simone de Beauvoir

| bynaam =

| onderskrif =

| geboortenaam = Simone Lucie-Ernestine-Marie Bertrand de Beauvoir

 

== Middeljare ==

Nadat sy haar baccalaureaat eksamens in wiskunde en filosofie geslaag het, het sy wiskunde bestudeer aan die ''Institut Catholique'' en literatuur/tale aan die ''Institut Sainte-Marie'' Daarna het sy in filosofie aan die [[Sorbonne]] gestudeer. Terwyl sy aan Sorbonne studeer, ontmoet sy [[Jean-Paul Sartre]] in [[1929]]. Hy het 'n kursus aan dié universiteit gevolg terwyl hy ingeskryf was by die elite ''École Normale Supérieure''. Dit is 'n algemene wanopvatting dat de Beauvoir ook aan die ''École Normale'' gestudeer het. Sy was egter wel goed op hoogte met die instelling en sy leerplan danksy Sartre en ander persone in die filosofiese sirkel.

 

 

== Latere jare ==

Teen die einde van die [[Tweede Wêreldoorlog]] ([[1945]]) het de Beauvoir by Sartre aangesluit as redakteur van ''Les Temps Modernes'', 'n politieke joernaal gestig deur Sartre saam met Maurice Merleau-Ponty en ander. Buiten haar redakteurskap het de Beauvoir die ''Les Temps Modernes'' gebruik om haar eie werk te bevorder en was redakteur tot met haar dood.

 

 

== Die tweede geslag ==

Simone de Beauvoir beredeneer 'n feministiese eksistensialisme in haar werk ''Le Deuxième Sexe'' (Die tweede geslag), gepubliseer in 1949. As 'n eksistensialis aanvaar de Beauvoir die doktrine "bestaan gaan essensie vooraf" en huldig die standpunt dat 'n mens nie as 'n vrou gebore word nie, maar een gemaak word. Die samelewing beskou die man as die absolute en die noodsaaklikste onderwerp van die samelewing. Haar analise fokus op die konsep van die vrou as "Die Ander". Die vrou word altyd as afhanklik van die man gedefinieer. Dit is die (sosiale) opvatting van Vrou as die beliggaamde Ander wat de Beauvoir as fundamenteel tot die vrou se onderdrukking identifiseer.

 

 

== Dood en evaluasie van haar bydrae ==

Ligaamlik en geestelik uitgeput deur haar verslawing aan drank en amfetamien sterf Simone de Beauvoir aan [[longontsteking]] op [[14 April]] 1986 in Parys. Sy word langs Sartre in die [[Cimetière du Montparnasse]] in Parys begrawe. Na haar dood is de Beauvoir wêreldwyd geprys nie net opgrond van die groter aanvaarding van die feminisme in veral die akademiese wêreld nie, maar ook aangesien meer mense bewus geword het van die invloed wat sy uitgeoefen het op Sartre se mees prominente eksistensialistiese werk ''L'Être et le néant''. Sy word beskou as een van die mees prominente Franse denkers in die geskiedenis en later as die "moeder" van post-[[1968]] [[feminisme]]. Haar werke openbaar 'n beeld van haar lewe teen die agtergrond van die tyd waarin sy gelewe het.

 

* Stanford Encyclopedia of Philosophy: [http://plato.stanford.edu/entries/beauvoir/ Simone de Beauvoir] deur Debra Bergoffen. Uitgebreide bibliografie.

* [http://www.marxists.org/reference/subject/ethics/de-beauvoir/ambiguity/index.htm The Ethics of Ambiguity] – Engelse vertaling van ''Pour une Morale de l'ambiguité''.

 

{{DEFAULTSORT:Beauvoir, Simone de}}

[[Kategorie:Franse skrywers]]

[[Kategorie:Feministe]]