Operasie Barbarossa: Verskil tussen weergawes

Die Sentrale groep se bevelvoerder, Von Bock, het geglo dat indien hulle Moskou kan inneem dan sou Rusland ineenstort. Die Sentrale Groep het skouspelagtige suksesse behaal: leërs word vasgekeer by Bialystok en naby [[Minsk]] wat 300,000 krygsgevangenes oplewer. [[Smolensk]] word verower op 16 Julie en 'n reeks Russiese teenaanvalle kos [[Stalin]] nog 300,000 soldate en 3,000 tenks. Die Sentrale groep se offensief word nou gestaak vir 'n maand omrede Hitler van Von Bock se tenks herlei om Von Rundstedt te help by Kiëf. Dit gee die Rooi Leër kans om sy verdediging te versterk. Generaals Andrei Yeremenko met 30 divisies te Bryansk en Maarskalk Semyon Timoshenko met 55 divisies word egter totaal uitgewis og gevange geneem toe die offensief hervat word.