Song-dinastie: Verskil tussen weergawes

Die '''Song-dinastie''' ([[Sjinees]]: 宋朝, ''Sòng Cháo''; ou [[Afrikaans]]e spelling: Soeng) was ’n era in die [[Sjina|Sjinese]] geskiedenis wat in 960 begin en tot 1279 geduur het. Dit het gevolg op die tydperk bekend as [[Vyf Dinastieë en Tien Koninkryke]] en is gevolg deur die [[MongoliëMongoolse Ryk|Mongoolse]] [[Yuan-dinastie]]. Dit was die eerste regering in die wêreld wat landwyd [[banknoot|banknote]], of ware papiergeld, uitgereik het en die eerste regering wat ’n permanente vloot op die been gebring het. [[Buskruit]] is vir die heel eerste keer sover bekend in dié ryk gebruik, asook die vasstelling van [[ware noord]] met ’n [[kompas]].

Om die Jin, en later die [[Mongolië|Mongole]], af te weer het die Song rewolusionêre nuwe militêre tegnologie, soos buskruit, ontwikkel. In 1234 is die Jin-dinastie deur die Mongole verower en hulle het beheer oor Noord-Sjina oorgeneem. Hulle het ongemaklike betrekkinge met die Suidelike Song gehad. [[Möngke Khan]], die vierde [[Groot Khan]] van die [[Mongoolse Ryk]], is in 1259 dood tydens ’n beleg van die stad [[Chongqing]]. Sy jonger broer [[Koeblai Khan]] is tot nuwe Groot Khan verkies en in 1271 verklaar tot [[keiser]] van Sjina.<ref>Rossabi, Morris (1988), Khubilai Khan: His Life and Times, bl. 115. Berkeley: University of California Press, ISBN 0-520-05913-1</ref> Ná ’n twee dekade lange sporadiese oorlog het Koeblai Khan se leërs die Song-dinastie in 1279 verower. Sjina was toe weer eens verenig, maar onder die Mongoolse [[Yuan-dinastie]] (1271–1368).<ref>Rossabi, Morris (1988), Khubilai Khan: His Life and Times, bl. 76. Berkeley: University of California Press, ISBN 0-520-05913-1</ref>

{{Verwysings|2}}