Max Michaelis: Verskil tussen weergawes

'''Sir Maximilian Michaelis''' (Eisfeld, Sakse-Meiningen, [[Duitsland]], 11 Mei 1852 - [[Zürich]], [[Switserland]], 26 Januarie 1932) was 'n [[Suid-Afrika]]anse sakeman, weldoener en kunskenner wat skatryk geword het as diamanthandelaar. Sy naam leef voort in die [[Michaelis-versameling]].

 

 

Nou kon hy sy volle aandag aan die versameling van kunsvoorwerpe gee. In 1910 gee hy 'n groot bedrag geld aan die Johannesburgse kunsgalery. Op aanbeveling van genl. [[J.C. Smuts]] koop Michaelis in November 1912 die skilderyeversameling bestaande uit Nederlandse en Vlaamse meesters in die besit van sir Hugh Lane aan. Dit staan vandag bekend as die Michaelis-versameling en word gehuisves in die [[Burgerwaghuis]] in [[Kaapstad]]. In 1917 is hy die dryfveer agter die stigting van die Michaelis-kunsbibilioteek in Johannesburg. Verder skenk hy baie kunswerke aan die kunsmuseums van Johannesburg en [[Kimberley]] en stel verskeie studiebeurse beskikbaar. In 1923 verskaf hy die geld vir die oprigting van die Michaelis Kunsskool aan die [[Universiteit van Kaapstad]].

 

 

Michaelis is vir sy diens aan die gemeenskap tot ridder geslaan. In 1923 het die Universiteit van Kaapstad hom vereer met 'n eredoktorsgraad in die regte. Hy was 'n lewenslange lid van die Suid-Afrikaanse Botaniese Vereniging. Omdat Michaelis so sku was vir publisiteit, is foto's van hom baie skaars. Tog was hy in 1924 bereid dat [[Moses Kottler]] 'n borsbeeld van hom maak. Die beeld staan in die tuin van die Burgerwaghuis.