Auckland: Verskil tussen weergawes

780 grepe bygevoeg ,  6 jaar gelede
k
Behuisingskrisis
No edit summary
k (Behuisingskrisis)
|}
 
'''Auckland''' [ˈɔːklənd] ([[Engels]]: '''Greater Auckland''' of '''Auckland Metropolitan Area'''; [[Maori (taal)|Māori]]: '''Tāmaki-makau-rau''' of '''Ākarana''') op die Noord-Eiland van [[Nieu-Seeland]] is die grootste stedelike gebied in [[Nieu-Seeland]]. Met meer as 1,45 miljoen inwoners woon meer asis 'n derde van die land se bevolking in Auckland saamgetrek. Die bevolkingsgroei van 1,6 persent, wat tussen Junie 2009 en Junie 2010 in Auckland aangeteken is, was volgens ''Statistics New Zealand'' die hoogste in die land.<ref>[http://www.stats.govt.nz/browse_for_stats/population/estimates_and_projections/demographic-trends-2010/chapter6.aspx ''Statistics New Zealand – Demographic Trends: 2010'']</ref>
 
Die huidige stadsgebied is in 1840 deur goewerneur Hobson teen 'n prys van 55 pond [[goud]] asook 'n aantal komberse, hemde, byle en ander gebruiksgoedere van plaaslike Māori gekoop. Die huidige ''City of Sails'' of Stad van Seile, soos Auckland dikwels genoem word, is op 'n smal landengte tussen twee natuurlike seehawens geleë – een aan die oostelike kant aan die [[Stille Oseaan]], die ander aan die Tasmaniese See in die weste. Altesaam 63 onaktiewe [[vulkaan|vulkane]] verrys soos reusagtige mierhope in die stadsgebied en dien vandag as groen, rustige eilande vir stadsbewoners. Op vulkaanheuwels soos Mount Eden (193 meter bo seevlak) en One Tree Hill (183 meter), wat 'n uitsig oor die stad en sy hawens bied, is parke aangelê asook museums en 'n sterrewag.
 
Buite die stadsentrum met sy [[wolkekrabber]]s het tipiese voorstede met houthuise ontstaan, en ook nywerhede is meestal aan die periferie van Auckland opgerig. 'n Groot aantal strande en parke dra by tot die hoë lewenskwaliteit van die snel groeiende metropool. Nogtans het die stadsvaders min aandag aan moderne stadsbeplanning in hierdie uitgestrekte metropool geskenk. 'n Groot hawebrug met agt rylane, wat die noordelike met die suidelike voorstede verbind, is in 1959 opgerig. Auckland se eersterangse infrastruktuur met skole, universiteite en die wye spektrum van beroepsmoontlikhede het naas Europese en Asiatiese immigrante ook talle bewoners van Polinesiese eilande in die Stille Oseaan na Auckland gelok.
 
== Behuisingskrisis ==
Behuising in Auckland is 'n kopseer nadat huispryse die hoogte ingeskiet het. Die tekort aan bekostigbare behuising het sommige gesinne reeds in ellende gedompel. Volgens nuusberigte is daar enkele strate in Suid-Auckland waar selfs motorhuise deur mense bewoon word wat formele behuising nie meer kan bekostig nie. Ander gesinne moet onder brûe of in skeepshouers slaap.
 
In Junie 2016 het die munisipale owerheid 'n program geloods waarvolgens huurders van sosiale behuising 'n toelae van tot NZ$5&nbsp;000 (ZAR53&nbsp;300) ontvang sodra hulle na 'n minder digbevolkte streek verhuis.<ref>[http://www.bbc.com/news/blogs-news-from-elsewhere-36561197 ''BBC News, 17 Junie 2016: New Zealand pays people to leave Auckland. Besoek op 19 Junie 2016'']</ref>
 
== Verwysings ==