Derry: Verskil tussen weergawes

'''Derry''' of '''Londonderry''' is die tweede grootste stad in [[Noord-Ierland]] (en die vierde grootste op die eiland Ierland) met 'n bevolking van 83 652 volgens die Sensus van 2012. Saam met die nabygeleë Letterkenny vorm Derry die ekonomiese middelpunt van [[Ierland]] se noord-westenoordweste.

Derry is aan die Foylerivier se monding in die Lough Foyle naby die grens met die [[graafskap]] Donegal in die [[Republiek van Ierland]] geleë, 'n gebied waarmee die stad eeue lank nou bande gehandhaaf het. Sint Colmcille (ook bekend as Sint Columba), 'n heilige uit Tír Chonaill (die historiese naam vir Donegal) word tradisioneel as stadstigter beskou wat volgens oorlewerings hier omstreeks [[546]] 'n [[klooster]] gestig het.. Derry staan vandag veral vir sy goed bewaarde stadsmuur bekend wat in die vroeë [[17de eeu]] deur [[Londen]]se handelmaatskappye opgerig is om die stad teen aanvalle deur Ierse hoofde te beskerm - van daar die bynaam "The Walled City".

Drie verskillende name, wat vir die stad gebruik word, weerspieël sy geskiedkundige en argitektoniese erfenis. Die oorspronklike [[Iers]]e stadsnaam ''Daire'' of ''Doire'' beteken "eikebos" en is later verengels tot Derry. Derry is as eerste beplande stad in Ierland in [[1613]] deur Britse setlaars naby 'n ouer Ierse nedersetting gestig. Volgens 'n koninklike oktrooi, wat op [[10 April]] [[1662]] aan Derry verleen is, is die voorsetsel ''London'' voor die stadsnaam gevoeg - 'n verwysing na die betreklik groot finansiële bydrae wat Londense gildes tot die setlaarskolonie gemaak het, ongeag die ''[[City of London]]'' se ambivalente houding teenoor die projek. Terwyl die stad vandag algemeen as Derry bekend staan, is Londonderry as die amptelike naam eweneens steeds in gebruik, veral onder Noord-Ierse Protestantse Unioniste.