B.P.J. Erasmus: Verskil tussen weergawes

Barend Petrus Jacobus Erasmus is op 15 Desember 1930 gebore. Hy verwerf grade in klassieke en moderne tale aan die [[Universiteit Stellenbosch|Universiteite van Stellenbosch]] en [[Universiteit van Kaapstad|Kaapstad]], laasgenoemde verwerf hy summa cum laude. ʼn’n Groot deel van sy loopbaan bring hy deur in die diplomatieke diens in [[Den Haag]] en [[Londen]], waar hy onder meer inligtings-attaché is. Verder is hy ook redakteur van verskeie tydskrifte, waaronder ''Panorama''. Hy verhuis in [[1989]] na aftrede vanaf [[Pretoria]] na [[Philipstown]], ’n dorp in die Bo-Karoo.

Hy is op 8 Februarie 2012 oorlede<ref>Facebook: <nowiki>https://af-za.facebook.com/afrikaner.geskiedenis/posts/407687556065298</nowiki></ref>.

''Die nege kerse van Magriet'' is ʼn’n roman oor ʼn’n toekomstige [[Suid-Afrika]]<ref>Barendse, Joan-Mari Universiteit van Stellenbosch: <nowiki>http://scholar.sun.ac.za/handle/10019.1/79916</nowiki></ref>. Die Magriet van die titel is die vrou van Werner Jansen en die verhaal speel oor verskeie geslagte van die Jansen-familie af, terwyl die nege kerse verwys na die aantal naasbestaandes van Magriet wat omkom in die stryd teen ongeregtigheid in Suid-Afrika. Werner is eers diplomaat en later lid van die beweging wat die apartheidsregering in Suid-Afrika tot ʼn’n val wil bring en sodoende ʼn’n nuwe en beter toekoms vir al sy mense wil verseker, maar word eindelik deur die organisasie self verraai. Sy seun Freek sweer wraak en word eindelik leier van ʼn’n ondergrondse terreur-organisasie (geborg deur Westerse regerings) wie se doel dit is om Suid-Afrika onregeerbaar te maak sodat dit nie ʼn’n veilige hawe word vir internasionale terroristebendes wat korrupte regerings omkoop en sodoende ʼn’n vastrapplek verkry nie. Die lede word hoofsaaklik gewerf onder Afrikaners wat geliefdes in geweld in die land verloor het. Dit is nie ʼn’n groot roman nie, daarvoor is die karakterbeelding te eendimensioneel, die karakterontwikkeling te beperk en die dialoog propagandisties eerder as natuurlik. Die uitbeelding van die toekoms van die land is egter ontstellend, aangesien die korrupsie, selfverryking en verval wat daarin voorspel word en die feit dat dit by die stembus beloon en nie gestraf word nie, baie na aan die waarheid is soos dit alreeds binne die land ervaar word. Ons het dus hier te doen met ʼn’n moontlik realistiese, al is dit polities inkorrekte, uitbeelding van die toekoms en hierdie feit maak dit dus tog ʼn’n belangrike roman.<ref>Fouché, Jaco “Volksblad” 4 Desember 2006</ref>.

''Op Pad in Suid-Afrika'' (in Engels beskikbaar as ''On route in South Africa'' is ʼn’n streek-vir-streek gids, waarin hy verslag doen van die magdom gehuggies, dorpe en stede wat Suid-Afrika so ʼn’n interessante plek maak. Die oorsprong van plekname word in besonderhede beskryf, die karakter en aantreklikhede van plekke word geskets en die geskiedenis en interessante en informatiewe verhale van die plekke word vertel. Ingesluit in elke hoofstuk is gedetailleerde streekkaarte, aangevul met roete aanwysings in die teks.

=== Ander verwysings ===