Ai: Verskil tussen weergawes
Content deleted Content added
Jcwf (besprekings | bydraes) No edit summary |
Uitgebrei, nog besig |
||
Lyn 20:
Ai se ''[[praenomen]]'', of troonnaam, was '''Chepercheperoere''' ("Ewigdurend is die Manifestasies van Ra"), terwyl sy geboortenaam '''Ay it-netjer''' ("Ai, Vader van die God") was.<ref>Peter Clayton, Chronicle of the Pharaohs, Thames & Hudson Ltd, 1994. bl. 136</ref> Daar is min rekords en monumente wat aan Ai verbind kan word – nie net omdat hy kort regeer het nie, maar ook omdat sy opvolger, [[Horemheb]], ’n veldtog gevoer het om herinneringe aan hom en die ander farao's van die ongewilde [[Amarna]]-tydperk uit te wis.
==Herkoms==
Ai was vermoedelik van die stad Achmim. Tydens sy kort bewind het hy ’n rotskapel in Achmim laat bou en dit gewy aan die plaaslike god [[Min (god)|Min]]. Hy kon die seun van Joeja gewees het wat ’n priester van Min in Achmim was.<ref>[http://www.lind.org.zw/history/egyptiansite/Yuyu.htm Egypt during the reign of Akhenaten]</ref> Joeja was ’n invloedryke edelman aan die hof van [[Amenhotep III]] wat die seldsame voorreg gehad het om vir hom ’n tombe in die [[Vallei van die Konings]] te laat bou, dalk omdat hy ook die pa was van Tije, Amenhotep se hoofkoningin. Daar is ook merkbare ooreenkomste tussen monumente wat aan Ai toegeskryf word en die [[mummie]] van Joeja, en albei het soortgelyke name en titels gehad.<ref>Hindley, Marshall. ''Featured Pharaoh: The God's Father Ay'', <cite>Ancient Egypt</cite>, April/Mei 2006. bl. 26</ref>
==Amarna-tydperk==
[[Beeld:Ay receiving the Gold of Honor.jpg|thumb|200px|links|’n Klipsteen in sy Amarna-tombe beeld Ai uit waar hy die Goue Eretoekenning van Achenaten ontvang.]]
Al wat vir seker van Ai bekend is, is dat hy teen die tyd dat hy toegelaat is om vir hom ’n tombe te laat bou tydens die bewind van Achenaten, hy die titel "Opsiener van Al die Perde van Sy Majesteit" gehad het; dit was die hoogste rang in die elite-strydwa-afdeling van die leër en net onder die rang [[generaal]].<ref>Hindley, Marshall. ''Featured Pharaoh: The God's Father Ay'', <cite>Ancient Egypt</cite>, April/Mei 2006. ble. 27–28.</ref> Ander titels in sy tombe sluit in "Vlagdraer aan die Regterkant van die Koning", Waarnemende Skriba van die Koning, Bemin deur Hom" en "God se Vader". Eersgenoemde was ’n baie belangrike posisie en bewys die koning luister na die draer van die titel. Laasgenoemde titel is die een wat die meeste met Ai verbind word en is later in sy koninklike naam opgeneem toe hy farao word.<ref name="Sunset 95">Dodson, Aidan. <cite>Amarna Sunset: Nefertiti, Tutankhamun, Ay, Horemheb, and the Egyptian Counter-Reformation</cite>. bl. 95 The American University in Cairo Press. 2009, ISBN 978-977-416-304-3</ref>
Die titel "God se Vader" kan beteken hy was die skoonpa van die farao, en dus die seun van Joeja en die broer of halfbroer van Tije, die swaer van [[Amenhotep III]] en die oom van Achenaten. As Ai die seun was van Joeja, wat ’n senior militêre offisier tydens Amenhotep III se bewind was, het hy moontlik in sy pa se voetspore gevolg en eindelik sy militêre pligte geërf. Of hy kon ’n dogter gehad het wat met Achenaten getrou het; dan was hy moontlik die pa van Achenaten se hoofkoningin, [[Nefertiti]]. Daar is egter geen bewyse vir enige van dié teorieë nie.<ref name="Sunset 96">Dodson, Aidan. <cite>Amarna Sunset: Nefertiti, Tutankhamun, Ay, Horemheb, and the Egyptian Counter-Reformation</cite>. bl. 96 The American University in Cairo Press. 2009, ISBN 978-977-416-304-3</ref> Die twee teorieë sluit mekaar nie uit nie, maar enigeen van die twee sou sy hoë status bewys het tydens Achenaten se Amarna-tydperk. In dié tyd het die koninklike familie hul rug gekeer op Egipte se tradisionele gode ten gunste van [[monoteïsme]], en dit lyk of Ai dieselfde gedoen het onder Achenaten, hetsy uit oortuiging of gerieflikheidshalwe.
==Toetankamen==
[[Beeld:Opening of the Mouth - Tutankhamun and Aja.jpg|thumb|200px|Ai voer ’n seremonie uit vir Toetankamen (’n toneel uit laasgenoemde se tombe.]]
Ai se bewind is voorafgegaan deur dié van [[Toetankamen]], wat die troon bestyg het toe hy agt of nege jaar oud was – in ’n tyd toe daar groot spanning was tussen die voorstanders van monoteïsme en die ou [[politeïsme]]. Hy is in sy koninklike pligte bygestaan deur sy voorganger se twee grootste raadgewers: visier Ai en generaal Horemheb. Tydens sy bewind van nege jaar, grootliks onder toesig van Ai, was daar ’n geleidelik terugkeer na die aanbidding van die ou gode en die herstel van die mag van die Amoen-priesterskap, wat onder Achenaten hul invloed oor Egipte verloor het.
==Verwysings==
| |||