Gideon Joubert: Verskil tussen weergawes

Gideon Joubert is op [[4 September]] [[1923]] op sy ouers se wynplaas in die Bottelary naby [[Stellenbosch]] gebore en word ook hier groot. Hy gaan skool aan Stellenbosch Boys High School (later [[Paul Roos Gimnasium]]) waar hy klasloop by [[Paul Roos]], die legendariese Springbok rugbykaptein na wie die skool later vernoem is. Hy matrikuleer aan die einde van [[1942]]. Aan die [[Universiteit Stellenbosch|Universiteit van Stellenbosch]] studeer hy hierna Afrikaans-Nederlands, [[Engels]] en [[Sielkunde]].<ref name=":0">Stellenbosch Writers: <nowiki>http://www.stellenboschwriters.com/joubertg.html</nowiki></ref>. 

=== Onderbreking van studies ===

Hy onderbreek sy studie in [[1946]] om as matroos op die seilskip Commodore 2 diens te doen. Die skip was ʼn’n groot viermaster met ʼn’n vrag steenkool op pad na [[Buenos Aires]] in [[Suid-Amerika]] en onderweg sou Gideon en die res van die bemanning vir maande lank storms en teenspoed moes trotseer sonder ʼn’n radio aan boord. By aansluiting is Gideon ʼn’n gewone dekjonge, maar op see word hy bevorder tot Gewone Seeman en later tot Senior Gewone Seeman.

Hy keer na ʼn’n jaar op see terug en verwerf dan sy B.A.-graad, waarna hy in Januarie [[1949]] as joernalis by die redaksie van ''[[Die Burger]]'' aansluit. Hy onderskei hom as veelsydige joernalis en fotograaf en is onder meer rubriekskrywer, seevaartverslaggewer, toneelkritikus en hofverslaggewer. Sy twee groot liefdes, die see en die skryfkuns, kom hier bymekaar.

Vanaf die begin van [[1952]] dien hy as offisier in die [[Suid-Afrikaanse Vloot]]<ref name=":0" /> waar hy ʼn’n groot rol speel om dit meer tweetalig te maak. Hy is een van die stigters van die Vlootgimnasium te [[Saldanha]] en word later hier aangestel as bevelvoerende offisier met die rang van kommandeur. Die Vloottaalraad word deur hom gestig en hy is voorsitter van hierdie liggaam, terwyl hy ook handleidings en ʼn’n seemanswoordeboek in Afrikaans opstel. As stigter en eerste bevelvoerder van die vloot se duikskool op [[Simonstad]] is hy die land se eerste gekwalifiseerde paddaman en instrukteur. Tydens sy jare in die vloot verwerf hy sy vlieglisensie en voltooi terselfdertyd ʼn’n leërstafkursus vir die hoogste leërkwalifikasie. Hy was ook militêre attaché van die minister van verdediging.

Na sestien jaar diens in die Vloot bedank Joubert en hy werk dan weer vanaf [[1 September]] [[1974]] vir ''Die Burger'' tot met sy aftrede in [[1993]].<ref name=":0" />. Aanvanklik is hy grensverslaggewer, waar hy die [[Suid-Afrikaanse Grensoorlog|grensoorlog]] dek.

Op gereelde basis behartig hy ook die ''Van alle kante'' rubriek. As kerkverslaggewer woon hy sinodesittings by en loods saam met Johannes Ries ʼn’n insamelingsveldtog vir Bybelverspreiding. So help hy om R500 000 vir die [[Bybelgenootskap van Suid-Afrika|Bybelgenootskap]] in te samel, wat onder meer daartoe bygedra het om ʼn’n groot tekort aan Bybels in die Ovambotaal aan te vul. Onder sy leiding groei ''Die Burger'' se jaarlikse Kersfonds-insameling elke jaar en in sy senior jare is hy dan direkteur van ''Die Burger'' se Kersfonds en Strandhuis. Hy beywer hom ook vir die Bybelfonds en ʼn’n fonds vir die Brand-weeskinders wie se ouers in die destydse Suid-Rhodesië (nou [[Zimbabwe]]) deur vryheidsvegters vermoor is. Na sy aftrede is hy steeds die koerant se korrespondent in [[Somerset-Wes]].

Hy is baie betrokke by kulturele en taalkundige kwessies en is lid van die uitvoerende raad van [[Vriende van Afrikaans]], die Helderberg Kultuurraad en ander organisasies. As amateur-sterrekundige is hy in hierdie tyd onder leiding van Johan de Klerk medeskrywer van die ''Sterrekunde-woordeboek''.

Hy is getroud met Nita en hulle het vier seuns (Pierre, Lourens, Jean en Arno) en bly in Heldervue in [[Somerset-Wes]]. Nadat hy vir ʼn’n ruk kort voor sy dood ongesteld was weens longontsteking is hy op Woensdag 27 Oktober 2010 op Somerset-Wes oorlede.<ref>Fourie, Hilda. Skrywer se pen word vir ewig stil. Beeld, 29 Oktober 2010</ref><ref>Van Bart, Martiens. Skrywer van Groot Gedagte oorlede. Volksblad, 29 Oktober 2010</ref>.

Die skrywer [[Leon Rousseau]] vertel later dat hy sy geheime agent fiksiekarakter, [[Fritz Deelman]], op Joubert se lewe geskoei het, waar ondersese avonture en skubaduik ʼn’n groot rol speel in Deelman se avonture.<ref>Rousseau, Leon. Fritz Deelman en die ware Jakob. By, 6 November 2010</ref>.

''Spioenduiker Frans Alberts'' is ʼn’n jeugroman wat op skole voorgeskryf word. Hierin word Amerikaanse geheime dokumente naby Kaappunt in die wrak van ʼn’n duikboot gevind. Die Kommuniste blyk agter die diefstal te wees. Die hulp van die vloot se duikers word ingeroep en Frans Alberts word deur die Kommuniste ontvoer. Nou begin ʼn’n spannende soektog na die vermiste dokumente, met die blonde geheime agent Linda wat vir die romantiese storielyn sorg. Die verhaal bied ʼn’n skat van terme en beskrywende tegnieke uit die wêreld van diepseeduik, duikbote en spioenasie. Van sy kortverhale word in ''Tydskrif vir Letterkunde'' gepubliseer.

Na jare se diepgaande wetenskaplike studie skryf hy ''Die groot gedagte'', wat die oorsprong van die heelal ondersoek. Vir hierdie boek kry hy in [[1998]] die ''Insig''-prys vir Afrikaanse nie-fiksie en die Andrew Murray-prys vir godsdienstige publikasies. Hy lewer ʼn’n beskrywing van die oerknal en die daaropvolgende ontwikkeling van die heelal (die “makrokosmos”), konsentreer daarna op atoom- en molekulêre strukture (die “mikrokosmos”) en sluit af met ʼn’n besinning oor teologiese begrippe en die integrasie van geloof en die bevindings van die natuurwetenskap (die “holistiese kosmos”). In die laaste afdeling verken hy die wisselwerking tussen swaartekrag, elektromagnetisme en twee tipes kerninteraksies, en bespreek die geloofwaardigheid daarvan dat “die ganse heelal deur net hierdie vier interaksies tot stand gebring [is] en in stand gehou word”. Indrukwekkend in hierdie boek is die skrywer se verstommende oorsigtelike begrip en vermoë tot integrasie van die nuwere insigte in die onmeetlike grootte en die misterieuse kleine. Meer as dertigduisend eksemplare van hierdie boek word verkoop.<ref>Alberts, Louw. Insig, April 1998</ref>.<ref>Van Rooyen, Erika. God loop soos goue draad deur Die Groot Gedagte. Die Kerkbode, 24 April 1998</ref> 

== VerwysingsBronnelys ==

* Beeld: <nowiki>http://152.111.1.88/argief/berigte/beeld/1998/04/13/4/3.html</nowiki>

* Die Burger: <nowiki>http://152.111.1.87/argief/berigte/dieburger/1998/04/13/8/7.html</nowiki>

* Die Burger: <nowiki>http://152.111.1.87/argief/berigte/dieburger/2010/11/04/SK/11/FORgid.html</nowiki>

* De Vries, Blanche Die Burger: <nowiki>http://152.111.1.87/argief/berigte/dieburger/2010/11/03/SK/5/BOLbdvGideon.html</nowiki>

* Fourie, Hilda Beeld: <nowiki>http://152.111.1.88/argief/berigte/beeld/2010/10/29/B1/3/thfgideonjoubert.html</nowiki>

* Nel, Zenda Die Burger: <nowiki>http://152.111.1.87/argief/berigte/dieburger/1997/12/06/13/7.html</nowiki>   

* Rousseau, Leon Die Burger: <nowiki>http://152.111.1.87/argief/berigte/dieburger/2010/11/06/BJ/6/6NovLeonGideonJoubert-BY.html</nowiki>

* Van Bart, Martiens Die Burger: <nowiki>http://152.111.1.87/argief/berigte/dieburger/2010/10/29/SK/7/GideonJoubert.html</nowiki>

=== Ander verwysingsVerwysings ===