Alexander-teater: Verskil tussen weergawes

| Beeld = Alexander_TheatreAlexander Theatre,_Johannesburg Johannesburg.jpg

| Vorige naam = Johannesburg Repertory Theatre

| Geopen = November [[1951]]

Die '''Alexander-teater''' (algemeen bekend as '''Die Alex''') is ’n teater in Braamfontein, [[Johannesburg]].

Die teater was oorspronklik bekend as die '''Johannesburg Repertory Theatre''' (algemeen bekend as die Reps' Theatre), met sitplek vir 550 mense en ’n [[Skandinawië|Skandinawiese]] ontwerp. Dit het in November 1951 in Braamfontein geopen as die tuiste van die Johannesburg Repertory Players (Johannesburg Reps).<ref>[http://esat.sun.ac.za/index.php/Alexander_Theatre The Encyclopaedia of South African Theatre, Film, Media and Performance] URL besoek op 2 Maart 2013</ref>

Op 10 Maart 1960 is dit na die Alexander-teater hernoem ter ere van Muriel Alexander, die stigter van die Johannesburg Reps. Dit het toe geopen met Hugh Goldie se produksie van [[Bernard Shaw]] se ''Caesar and Cleopatra''. Die teater is daarna vir professionele vertonings deur die Reps sowel as ander geselskappe gebruik. Die Reps het hul laaste vertoning in 1969 hier gehou: [[Noël Coward]] se ''Present Laughter''. Later het [[Truk]] dit gehuur en omstreeks 1978 het die kunsteraad dit gekoop. In die 1990's is die teater se deure gesluit weens ’n afname in bywoning met ’n vertoning van ''Ipi Thombi'' en teen 1997 is die gebou nie meer gebruik nie omdat dit in ’n verwaarloosde toestand was.

In 2006 is dit deur Adam Levy gekoop en gerestoureer as deel van ’n opknappingsprogram in Braamfontein. So ’n groot deel as moontlik van die oorspronklike argitektuur het behoue gebly. Die nuwe ruimte het in Julie 2007 heropen met Hazel Feldman se produksie van die rockmusiekspel ''Rent''.

== Die hede ==

== Verwysings ==

== Eksterne skakels ==

* [http://www.thealex.co.za/ Die Alexander-teater se amptelike webtuiste]