Geskiedenis van Indië: Verskil tussen weergawes
Content deleted Content added
Besig om artikel uit te brei. |
Besig om artikel uit te brei - wetenskap en nywerheid; die heilige boeke van Indië |
||
Lyn 30:
== Die heilige boeke van Indië ==
Die enigste geskrewe bron van die antieke geskiedenis van Indië is die ''Veda,'' die heilige boeke van Indië. Die oudste van hierdie boeke dateer vermoedelik uit die jaar 1500 v.C., en hoewel hulle meestal mites bevat, verskaf hulle tog baie feite oor die veranderinge wat op die inval van die Ariërs gevolg het. Net vier van die baie Vedas het behoue gebly, maar hulle gee ons 'n goeie aanduiding van die primitiewe godsdiens van Indië. “Veda" beteken letterlik “godsdienskennis", en dit is dan ook die vernaamste onderwerp van die boeke.
Die primitiewe godsdiens in Indië was, soos alle ander vroeë godsdienste, 'n natuur-godsdiens, d.w.s. die oogmerk was om die magte van die natuur, waarvan die mens se bestaan afgehang het, te plesier en te paai. Hoewel die Hindoeïsme, een van die twee groot godsdienste vandag in Indië, sedert daardie dae baie ontwikkel het, kan sy basiese geloofsoortuiginge tot hierdie primitiewe godsdiens nagespeur word. Die hoofgode was die verskillende natuurkragte: die lug, vuur, lig,wind, water en die aarde. Hierdie kragte is as mense beskou en elkeen het 'n naam gehad.
In die vroeë ontwikkeling van Hindoeïsme was die belangrikste god die god van vuur, Agni. Op standbeelde en ander beeldjies word hy met twee koppe uitgebeeld – die een verteenwoordig die vuurherd, en die ander kop die vuur wat aangesteek word wanneer daar aan hom geoffer word.
Die vroeë Hindoes het nie tempels vir hul gode gebou nie, maar telkens wanneer hulle iets wou offer (selfs perde is geoffer), is 'n altaar gebou. Een van die kenmerke van 'n hedendaagse Hindoe-tempel is die groot poel waarin gelowigeshulself bad om rein te word. Sulke poele is ook in die stede van die Indusvallei-beskawing gevind; party van die Hindoe-gebruike het dus 'n baie lang geskiedenis.
== Verwysings ==
| |||