Kerk van Engeland: Verskil tussen weergawes

* Katoliek insoverre as die kerk hom as deel van die universele kerk van Jesus Christus beskou, in 'n ononderbroke voortsetting van die vroeë apostoliese kerk. Dit vind sy uitdrukking in die klem wat op die leerstelling van vroeë kerkvaders gelê word, soos vasgelê in die [[Apostoliese Geloofsbelydenis]], die [[Geloofsbelydenis van Nicéa]] en die [[Geloofsbelydenis van Athanasius]].

* Gereformeerd insoverre as dit deur sommige van die leerstellings van die 16de eeuse [[Protestantse Hervorming]] gevorm is, in besonder die Nege-en-dertig Artikels en die Engelse gebedboek ''Book of Common Prayer''.

Gedurende die 17de eeu het Puriteinse en Presbiteriaanse strominge te midde van politieke en godsdienstige geskille die opperhand oor die kerk gekry totdat die oorspronklike kerkorde met die Restorasie van 1660 herstel is. In die huidige Kerk van Engeland is daar steeds verskillende uiteenlopende strominge soos Anglo-Katolieke en Evangelikale wat vroeë verdelings in die kerk weerspieël. Spanninge tussen behoudende en progressiewe teoloë vind hul uitdrukking in debatte oor die ordinasie van vroue en die houding teenoor [[homoseksualiteit]] in die kerk. Vroue mag sedert 1994 as geestelikes geordineer word. 'n Voorstel, waarvolgens vroue ook as biskoppe geordineer mag word, is deur die Kerk van Engeland se Algemene Sinode in 2012 nog naelskraap verwerp, maar uiteindelik op [[14 Julie]] [[2014]] goedgekeur.<ref>[http://www.bbc.com/news/uk-28305019 ''BBC News, 15 Julie 2014: Women bishops vote welcomed by Archbishop of Canterbury'']</ref>