Groot Bombardement: Verskil tussen weergawes

Die [[Nice-model]] is gewild onder planetêre wetenskaplikes; daarvolgens het die [[Gasreus|gasplanete]] ’n migrasie ondergaan en voorwerpe in die [[asteroïdegordel]] en/of [[Kuiper-gordel]] in eksentrieke wentelbane verstrooi, en dus in die pad van die rotsplanete. Ander navorsers meen die maanmonsterdata is nie ’n bewys van ’n kataklismiese botsingsperiode sowat 3,9&nbsp;miljard jaar gelede nie; hulle meen die oënskynlike bewyse van ’n bombardement is ’n gevolg daarvan dat al die monsters uit ’n enkele groot impakstreek kom.<ref name=taylor1/>

 

Die belangrikste bewys van ’n maankataklisme is die [[radiometriese datering|radiometriese ouderdom]] van gesmelte impakrotse wat tydens die Apollo-sendings versamel is. Die meeste van hierdie impakgordels is vermoedelik gevorm tydens botsings met asteroïdes of komete met ’n deursnee van etlike kilometers, en dit het kraters van honderde kilometers breed veroorsaak. Die landingsterreine van [[Apollo 15]], [[Apollo 16|16]] en [[Apollo 17|17]] is gekies vanweë hul ligging naby onderskeidelik die [[Mare Imbrium|Imbrium-]], die [[Mare Nectaris|Nectaris-]] en die [[Mare Serenitatis|Serenitatis]]-vallei.

 

Die datering van ander meteoriete wat hul oorsprong in die asteroïdegordel het, toon ouderdomme van tussen 3,4&nbsp;miljard en 4,1&nbsp;miljard jaar en van sowat 4,5&nbsp;miljard jaar. Die eersgenoemdes word vertolk as verteenwoordigend van ’n toename in impaksnelheid van 100 tot 1&nbsp;000 keer die impaksnelheid van die huidige asteroïdegordel (5-10&nbsp;km/s). Sulke voorwerpe is tans seldsaam, maar sou aansienlik meer gewees het terwyl groot planete gemigreer het.<ref name=March_etal_2013>{{cite journal|last=Marchi|first=S. |author2=Bottke, W. F. |author3=Cohen, B. A. |author4=Wünnemann, K. |author5=Kring, D. A. |author6=McSween, H. Y. |author7=de Sanctis, M. C. |author8=O'Brien, D. P. |author9=Schenk, P. |author10=Raymond, C. A. |author11=Russell, C. T. |title=High-velocity collisions from the lunar cataclysm recorded in asteroidal meteorites|journal=Nature Geoscience|date=2013|volume=6|issue=4|pages=303–307|doi=10.1038/ngeo1769|url=http://www.nature.com/ngeo/journal/v6/n4/full/ngeo1769.html}}</ref>

 

Hoewel die kataklismehipotese steeds in gewildheid toeneem, is daar nog baie kritiek daarteen, veral die volgende: (1) dat die ooreenstemming in impakouderdom kunsmatig kan wees omdat monsters uit net een vallei kom, en (2) dat die gebrek aan gesmelte impakrotse van ouer as sowat 4,1&nbsp;miljard jaar gelede kan beteken dat al sulke ouer voorbeelde intussen verpoeier het of dat hulle ouderdomme nie korrek vasgestel kan word nie.

 

Die jongste hervertolking van kraterstatistiek dui daarop dat botsings op die maan en Mars oor die algemeen minder kon gewees het as wat eens vermoed is. Die bekende kraters kon dus ontstaan het sonder ’n spesifieke toename van impakvoorvalle oor ’n sekere tydperk.

 

*[[Portaal:Sterrekunde|Sterrekundeportaal]]

*[[Nice-model]]

 

{{Verwysings|2}}

 

* {{cite web | url =http://www.psrd.hawaii.edu/Aug06/cataclysmDynamics.html | title = Wandering Gas Giants and Lunar Bombardment | publisher = Planetary Science Research Discoveries | last = G. Jeffrey Taylor | date = 24 Augustus 2006}}

* {{ cite web | url= http://www.psrd.hawaii.edu/Jan01/lunarCataclysm.html | title = Lunar Meteorites and the Lunar Cataclysm | publisher = Planetary Science Research Discoveries | last = Barbara Cohen | date = 24 Januarie 2001}}