Jode in Zambië: Verskil tussen weergawes

[[Zambië]], 'n republiek in suidelike Midde-Afrika, het vroeër meer as duisend Joodse inwoners gehad en die gemeenskap het waarskynlik sy hoogtepunt bereik toe daar in die dekade na 1950 sowat 1&nbsp;200<ref>http://www.jewishvirtuallibrary.org/jsource/vjw/zambia.html</ref> Jode in die destydse [[Noord-Rhodesië]] gewoon het, maar die getal het met die jare afgeneem tot 'n geraamde 35 in 2014.

 

Die eerste Jode (meesal uit [[Litaue]]) het die land binnegekom op soek na welvaart. Die vroegste intrekkers het hulle op [[Livingstone]] en Broken Hill (tans [[Kabwe]]) kom vestig. Die eerste Joodse gemeente is in 1905 op [[Livingstone]] gestig, dieselfde jaar wat die dorp sy beslag gekry het. Die gemeente met sy 38 lidmate het sy eerste huwelik in 1910 bevestig. Teen 1921 het daar 110 Jode in die land gewoon: 48 op [[Livingstone]], 11 op Broken Hill en 25 in [[Lusaka]]. Heelwat Joodse vlugtelinge het ná die [[Holocaust]] in die land aangekom.

 

Die bevolking het 'n hoogtepunt van sowat 1&nbsp;200 omstreeks 1955 bereik. Tydens die dekade ná 1960 het 'n groot gedeelte van die Joodse bevolking geëmigreer sodat die gemeenskap in 1968 tot 600 afgeneem het. Voor die land se onafhanklikwording het Jode aktief aan plaaslike regering deelgeneem, met Jode wat as burgemeester van [[Livingstone]], Broken Hill ([[Kabwe]]), [[Kitwe]] en [[Luanshya]] gedien het.

 

Tydens die jare vyftig en sestig was sir [[Roy Welensky]], 'n Jood, die mees vooraanstaande politieke leier in [[Noord-Rhodesië]] en die tweede en laaste eerste minister van die [[Sentraal-Afrikaanse Federasie]]. Van 1959 tot 1962 was M.G. Rabb, ook Joods, lid van die wetgewende vergadering. S.W. Magnus was parlementslid van 1962 tot 1968, toe hy regter van die hooggeregshof geword het.

 

Die Council for Zambia Jewry is in 1978 in [[Lusaka]] gestig om toesig oor die bedrywighede van die Joodse gemeenskap te hou. Die enigste oorblywende sinagoge is in [[Lusaka]], nadat dié in [[Ndola]] enkele jare gelede weens 'n tekort aan lidmate moes sluit. Die land het nie meer 'n eie rabbi nie.

 

{{reflist|2}}